Khamsah Bar Ghazal-e-Siraj by Nazeer Akbarabadi|خمسہ بر غزلِ سرا ؔج-نظیر اکبر آبادی

 

خمسہ بر غزلِ سرا ؔج

نظیر اکبر آبادی

Khamsah Bar Ghazal-e-Siraj

By Nazeer Akbarabadi

کھُلی جب  کہ  چشمِ دلِ حزیں ،تو وہ  نم  رہا ، نہ تری رہی

ہوئی حیرت  ایسی  کچھ آنکھ پر  کہ اثر  کی بے  اثری رہی

پڑی   گوش  جاں  میں  عجب  ندا  کہ جگر  نہ  بے  جگری رہی

خبر ِ تحیّرِ  عشق سُن  ،نہ  جنوں  ر ہا  نہ  پری  رہی

 

نہ تو توُ رہا ،نہ  تو میں  رہا  ،جو رہی سوبے خبری  رہی

 

ہو ئیں  کیا ہی  دل کو  فرا غتیں ،گئی  جب  سے  قید  لباس کی

نہ ہَوا ے ا طلس  و گُل بدن  ،نہ تلاش بادِلہ وزری

کوئی  پہنویا  کہ نہ    پہنواب ،غرض اِس کو جا نے بلا  مری

شہر  بے خودی نے  عطا کیا ،مجھے اب لباس   بر ہنگی

 

نہ خرِ دکَی   بخیہ گری رہی نہ جنوں کی  پرد ہ  دری  رہی

 

کسی وقت مکتب  عقل میں  بہت  علم  ہم نے بھی تھا پڑھا

کہ ہر اک سے  حُجت و بحث تھی ،سواُس  علم  کا یہ  کمال  تھا

گیا جب  کہ مدرسہ عشق میں  ،تو اب  آگے یار  و کہوں میں کیا

وہ عجب  گھڑی  تھی کہ جس  گھڑی  لیا  درس نسخہ عشق کا

 

کہ کتاب  عقل  کی طاق  پر جود  ھری تھی ،ووہیں دھری رہی

 

ترے مُنہ پہ اب تو ہے  وہ جھلک  کہ  جہا ں  تو جاکے  عیاں ہوا

اگر آ فتاب جِمال تھا ،تجھے  دیکھ  وہ بھی  نہاں ہوا

کوئی  آگے  تیرے نہ آسکا  ،وہ  قمر  کہ  مہر نشاں ہوا

ترے  جوشِ حیرتِ حُسن کا  ،اثر اِس قدر تو عیاں ہوا

 

کہ نہ آئنے میں  جِلا  رہی ،نہ پری  کی  جلوہ گری  رہی

 

عجب  اتفاقّ ہے ،خود بہ  خود  مرے  دل  سے عیش  نکل  گیا

پڑی آگ غم کی وہ تن  میں  آ،کہ  بہ رنگ  ِ شمع  پگھل گیا

اُدھر  آہ  شعلہ  زناں  ہو ئی ،اِدھر اشک   آنکھوں  سے ڈھل گیا

چلی سمت ِ غیب سے اک  ہو اکہ  چمن  سُرور کا جل گیا

 

مگر  ایک شاخ  نہال ِ غم  ،جسے  دل کہیں ،سو ہری رہی

 

کر ے عشق اب وہ  جہان  میں کہ سبھوں سے  بیٹھے    وہ  ہاتھ دھو

نہ کسی  کے ڈر سے  چھپے  کہیں ، نہ کسی  کے خوف سے  دیوے رو

اُسے کچھ کسی  کی خبر نہیں ،ہوااب تو مثل ِ نظیؔر ود

ترے  دردِ  عشق  میں اے  میاں  ‘ دلِ  بے  نواے سرا ؔج کو

 

نہ خطر رہا ، نہ حذ ر رہا  ، جو  رہی  سو بے خبری رہی