Khamsa bar Ghazal-e-Qudrat By Nazeer Akbarabadi|خمسہ برغزلِ قدرؔت نظیرؔ اکبر آبادی

 

خمسہ برغزلِ قدرؔت

نظیرؔ اکبر آبادی

Khamsa bar Ghazal-e-Qudrat By Nazeer Akbarabadi

آہ    یہ کس  شعلہ رُو سے طبع اب مایوس ہے

جوپسند آسا،جگر اس آگ کا مانوس  ہے

اور تپِ غم کی تپش،چہرے اُپر محسوس ہے

کس کی نیرنگی یہ برقِ شعلہ فانوس ہے

 

جوشرردل سے اُٹھا، سو جلوۂ طاؤس ہے

 

بزم میں تیری صنم جس دم بہ چشِم تر گئے

مر گئے، پھر  جی اُ ٹھے، تڑپا کیے،دُکھ بھر گئے

دیکھ   تیرے  عشق میں کیا کیا ہوا ،اےگھر گئے

صبر اور تسکین یا ں سے کوچ کب کےکر گئے

 

اب  و  داع ننگ ہے،اور رخصت ِناموس ہے

 

ہم  نشیں،احوال اپنا کو ئی کیا تجھ سے کہے

آدمیّت      سے گئے ، سودا ہوا ،  رسوا ہوئے

خود بہ خود ،بے خودیہ دل میں اب خیال اُ ٹھنے لگے

کل ہوس اِس طرح سے ترغیب دیتی تھی مجھے

 

کیا یہی ملک ِ روؔم ہے اور سر زمینِ روؔس ہے

 

جایئے جب واں تو کس راحت سے کیجئے زندگی

مثل  گل  کے  نز ہت  وفرحت سے  کیجیے  زندگی

سب طرح سے خرّمی ، حشمت سے کیجیےزندگی

گر میسّر ہو تو کس عشرت سے کیجیے زندگی

 

اِ س طرف آواز  دہل ،اودھر صدائے کوس ہے

 

یہ خیال ِخام اپنے دل میں بندھے تھےپڑے

کھُل رہےتھے عیش و عشرت   کے  طبیعت پر درے

جب زبانِ دل سے باہم یہ سخن ہونے لگے

سنتے ہی عبرت پکاری،اک تماشا میں تجھے

 

چل دکھاوں تو جو حرص و آز کا  محبوس ہے

 

میں نے جانا ، لے چلے گی یہ گلستاں کی طرف

یا کنارِ آب،یا خرّم بیاباں کی طرف

نہ وہ صحرائے گئ، نہ  باغ  و بُستاں کی طرف

لے گئ یک بارگی گورِغریباں کی طرف

 

جس  جگہ جان تمنّا  سو طرح ما یو س ہے

 

میں جو واں آیا  تو  اُس  جا ڈھیر  دیکھنے خاک کے

کویٔ  بے  سایہ  ،کہیں  سا یہ ، کسی پر کیکرے

اِ تنے میں  عبرت پکڑ کر ہا تھ  میرے  خوف سے

مر قدین  دو تین  دکھلا  کر ، لگی  کہنے مجھے

 

یہ   سکندؔرہے ، یہ دارا ؔ ہے ،یہ کیکا ؤسؔ ہے

 

یہ وہ  ہے  جس کو کہ  ہفت  اقلیم   دیتے  تھے  خراج

یہ وہ ہے جس  کو کہ  ہفت   افلا ک  سے اُتر اتھا تاج

یہ  وہ ہے  جس کا فر شتے سے  نہ  ملتا تھا مزاج

پو چھ  تو اِن  سے  کہ  مال  و  حشمت ِ  دنیا  سے  آج

 

کچھ بھی اِن کے پاس غیر ازحسرت و افسوس ہے