Bahaar By Nazeer Akbarabadi|بہار-نظیرؔ اکبر آبادی

 

بہار-نظیرؔ اکبر آبادی

Bahaar By Nazeer Akbarabadi

 

چمن میں  آج نسیم ِ بہار  آپہنچی

نوید نِکہتِ  گُل بے شمار  آپہنچی

صدا ےو قمر ی و صَوت ہزار ،آپہنچی

جُنوں کی فوج  کی دل  پر پُکار آپہنچی

 

ہزار شکر کہ فصلِ بہار آپہنچی

 

گئی  نسیم کے ہا تھوں نکل کے بادِ  سموم

گھٹا ئیں ابرِ بہاری  کی تُل رہی ہیں  جھوم

تمام صحِن چمن میں عجب مچی ہے دھوم

اُدھر گلوں کے اُبر بلبلیں  کرے ہیں ہجوم

 

اِدھر سے مست صفِ گل  عذار آپہنچی

 

چمن کی سیر کو آئے ہیں مل  کے مے نو شاں

ہواہےبادہ کشی کابھی خوب ساساماں

نکالتےہیں نشےمے کے دل  کا سب ارماں

ہوئی  ہے گرم چمن بیچ  مغبچوں کی شاں

 

شراب و شیشہ و سا غر  کی بار  آپہنچی

 

کھِلے   ہیں چاروں طرف زور تختۂ گُل زار

چلے ہے سر  دصبا ،اور نسیمِ عنبر  بار

خبر سُنی ہے کہ آتا  ہے وہ گُلِ مے خوار

گئی مصیبت ِ روزِ فراق سب یک   بار

 

کہ اب قریب شبِ و صلِ یار کی  آپہنچی

 

کو ئی ہے وصف کرے گُل کی تاج داری  کا

کسی کو ذکر ہے  بلبل کی بے قراری  کا

نہیں  یہ و  قت مر ی  جان  انتظاری  کا

نہیں یہ وقت  مری   حان  آہ زاری کا

 

خو شی ہو اب  کہ حد اِ نتظار آپہنچی