Basant By Nazeer Akbarabadi|بسنت-نظیرؔ اکبر آبادی

 

بسنت-نظیرؔ اکبر آبادی
Basant By Nazeer Akbarabadi

 

جب پھول کا سرسوں کے ہوا آکے کھِلنتا

اور عیش کی  نظر  سے نگا ہوں کا لڑنتا

ہم نے  بھی  دل اپنے  کے تیئں کر کے نچنتا

اور ہنس  کے کہا یار سے ،اے لَکڑ بَھَو نتا

 

سب کی  تو بسنتیں ہیں ،پہ یا روں کا  بسنتا

 

اک پھول  کا  گیندوں کے  منگار یار سے  بجرا

دس من کا لیا  ہار  گندھا ،آٹھ  کا گجرا

جب آنکھ  سے سو رج  کی ڈھلا  رات کا کجرا

جا یا ر سے مل کر یہ کہا ،اے  مرے رَجرا

 

سب کی  تو بسنتیں ہیں، یہ یاروں کا  بسنتا

 

تھے اپنے گلے میں  تو کئی  من کے پڑے  ہار

اور یار کے گجرے بھی تھے اک دَھون کی مقدار

آنکھو ں میں نشے مَے کے اُ بلتے  تھے دُھواں دھار

جو سامنے آتا تھا، یہی کہتے  تھے للکا ر

 

سب کی  تو بسنتیں ہیں ،پہ یاروں کا بسنتا

 

پگڑی میں ہما ری  تھے جو  گیندوں  کے کئی  پیٹر

ہر جُھو نک  میں لگتی تھی بسنتوں کے تیئیں ایڑ

سا قی  نے بھی  مٹکے  سے دیا  مُنہ  کے تئیں بھیڑ

ہر بات میں ہو تی تھی اِس با ت کی آچھیڑ

 

سب کی تو بسنتیں ہیں ، پہ یاروں کا بسنتا

 

پھر راگ بسنتی  کا ہو ا آن کے کھٹکا

دَھو نسے  کے  برابروہ  لگا  با جنے مٹکا

دل کھیت  میں سرسوں  کے ہر اک پھول سے اٹکا

ہر بات میں ہو تا تھا اِسی بات کا لٹکا

سب  کی تو بسنتیں ہیں ،پہ یاروں کی  بسنتا

 

خوش بیٹھے ہیں  سب شاہ ووزیر  آج اہاہا

دل شاد ہیں  ادنا  و فقیر آج، ا ہاہا

بُلبُل کی  نکلتی ہے  صفیرآج ،ا ہاہا

کہتا یہی پھرتا ہے نظیؔر آج، اہاہا

 

سب کی  تو بسنتیں ہیں ،پہ یا روں کا  بسنتا