Hadrath Saleem Chisti By Nazeer Akbarabadi|حضرت سیلم چشتی-نظیرؔ اکبر آبادی

حضرت سیلم چشتی-نظیرؔ اکبر آبادی

Hadrath Saleem Chisti By Nazeer Akbarabadi

 

ہیں دو جہاں کے سلطاں ،حضرت سلیم چشتی

عالم کے دین و ایماں ،حضرت سلیم چشتی

سرد فترِ مسلماں ،حضرت سلیم چشتی

مقبول خا صِ یزداں ،حضرت سلیم چشتی

 

سر دارِملکِ عرفاں،حضر ت سلَیم چشتی

 

بُر جِ اسدکی رونق،عرش بریں کےتارے

گل زاردیں کے گُل بُن،اللہ کےسنوارے

یہ،بات جان ودل سےکہتے ہیں سب پکارے

تم وہ ولی ہوبرحق،جو فیض سےتمھارے

 

عا لم ہےباغ وبستاں،حضرت سلیم چشتی

 

پُشت وپناہ ہو تم ہر اک شہ وگداکے

محتاج ہیں تمھاری اک لطف کی نگہ کے

منزل پہ آکے پہنچےسالک تمھاری رہ کے

خاک قدم تمھاری درچشم مہر ومہ کے

 

ہو رو شنی کےساماں،حضرت سلیم چشتی

 

عالم ہےسب معطّرتیر ےکرم کی بُوسے

حرمت ہے دوستوں کوحضرت،تمھارےروسے

یہ چا ہتا ہوں اب میں سَودل کی آرزوسے

رکھیو نظؔیرکوتم دو جگ میں آبروسے

 

اے مُو جدِہر احساں،حضرت سلیم چشتی