Shabe Barat By Nazeer Akbarabadi|شب برات-نظیر اکبر آبادی

 

شب برات-نظیر اکبر آبادی
Shabe Barat By Nazeer Akbarabadi

 

کیو ں کر کرے نہ اپنی نموداری شب برات

چَلپَک ، چپاتی ،حلوے سے ہے بھا ری شب برات

زِندوں کی ہے زباں کی مزے داری شب برات

مُردوں کی رُوح  کی ہے مددگاری شب برات

 

لگتی ہے سب کے دل کو غرض پیاری شب برات

 

شکّر کا جن کے حلوا ہوا، وہ تو پورے ہیں

گُڑکا ہوا ہے جن کے، وہ اُن سے ادھورے ہیں

شکّرنہ گڑ کا جن کے، وہ پر کٹ لَنڈورے ہیں

اور وں کے میٹھے حلوے چپا تی کو گھورے ہیں

 

اُن کی نہ آدھی، پاو، نہ کچھ ساری شب برات

 

دنیا کی دولتوں میں جو ز ردار ہیں بڑے

قندوں کے حلوے،روغنی نا نیں لیے کھڑے

پہنچا تے خوان پھر تے ہیں نو کر کئی پڑے

زندے بھی راہ تکتے ہیں ،مُردے بھی ہیں کھڑے

 

اِن خو بیوں کی رکھتی ہے تّیاری شب برات

 

اور مفلسوں کی ہے یہ، تمنّا کی فا تحہ

دریا پہ جاکے دیتے ہیں با با کی فا تحہ

بھٹیاری کے تنور پہ، نا نا کی فاتحہ

حلوا ئی کی دُ کان پہ، دادا کی فاتحہ

 

یاں تک تو اُن پہ لاتی ہے نا چاری شب برات

 

مُلّا جودینے فاتحہ گھر گھر میں جاتے ہیں

حلوا کہیں ، کہیں وہ چپا تی اُ ڑا تے ہیں

مفلس کوئی بُلاوے تو مُنہ کوچھپا تے ہیں

شکّر کا حلوا سنتے ہی، بس دوڑے جاتے ہیں

 

کہتے ہؤے دل میں ،اَہا ہاری شب برات

 

گھن چکّر ا پنے دم میں کہیں چرخ کھاتے ہیں

ٹونٹے،ہَوا ئی سنگ کہیں قہقہا تے ہیں

زینپٹ زپٹ ،پٹا خے کہیں غُل مچاتے ہیں

لڑکوں کے باندھ  غول ،کہیں  لڑنے  جا تے ہیں

 

کر تی ہے پھر تو ایسی  دھواں  دھا ری  شب برات

 

آکر کسی کے سر پہ  چھچھو ندر لگی  کڑی

اُ وپر سے  اور ہوا ئی کی آکر  پڑی  چھڑی

ہو گئی گلے  کا ہار ،پٹا خے  کی ہر لڑی

پا ؤں سے لپٹی  شور مچا کر  قلم  نڑی

 

کر تی  ہے پھر تو ایسی  ستم  گاری  شب برات

 

چہرہ  کسی کا جل گیا، آنکھیں بھُلس گئیں

چھا تی  کسی کی جل گئی  ،ہا  ہنیں بھُلس گئیں

ٹا نگیں  بچیں کسی کی ،تو رانیں  بھُلس گئیں

مو نچھیں  کسی کی  پُھنک  گئیں ،پلکیں  بھُلس گئیں

 

رکھّے  کسی کی  دا ڑھی  پہ چنگاری شب  برات

 

کو ئی  دوستوں کو دل میں  سمجھتا ہے اپنے  غیر

کو ئی  دشمنوں  سے دل کا  نکالے  ہے  اپنا بیر

کہتا  ہے واں نظؔیر بھی  آتش کی  دیکھ سیر

یا رب  !تو سب کی  کیجیو بر سا برس کی خیر

 

بے طرح کر رہی ہے نمو دارشب برات