Ums By Nazeer Akbarabadi|اُمس-نظیرؔ اکبر آبادی

 

اُمس-نظیرؔ اکبر آبادی

Ums By Nazeer Akbarabadi

 

کی ابر کی گرمی میں گھڑی ،پہر ہے اُومس

گر می کے بڑھانے کی عجب لہر ہے اُومس

پا نی  سے پسینوں کے ،بڑی نہر  ہے اُومس

ہر با غ  میں، ہر دشت میں ، ہر شہر ، ہے اُومس

 

بر سات کے مو سم میں نپٹ  زہر ہے اُومس

سب چیز تو اچھّی ہے ، پر اک  قہر ہے اُومس

 

بد لی  کے جو گھِر آنے سے  ہو تی  ہے ہوا بند

پھر بند سی گر می  وہ غضب پڑتی ہے یک  چند

پھینکے کو ئی  پگڑی ، کو ئی کھو لے  ہے کھڑا بند

دم رُ ک کے ،گُھُلا  جا تا  ہے گرمی  سے ہر اک بند

 

بر سات کے مو سم میں نپٹ زہر ہے اُومس

سب چیز تو اچھّی ہے ، پر اک  قہر ہے اُومس

رُکنے  سے ہَوا کے جو  بُراہو تا  ہے احوال

پنکھا ،کو ئی آنچل ،کو ئی  دامن ، کو ئی  رو مال

دم دھو نکنے لگتا ہے ، لُہاروں کی گویا کھال

کچھ روح کو بے  تا بیاں ،کچھ جان کو جنجال

 

برسات کے مو سم  میں نپٹ زہر ہے اُومس

سب چیز تو اچھّی  ہے، پر اک  قہر  ہے اُومس

 

ہو تی ہے اُمس جو کبھی اک رات کو آکر

کر ڈ التی ہے پھر تو قیا مت  ہی مُقّرر

اید ھر تو ہَوا بند،اُدھر پسّو ومچّھر

پا نی کو ئی پیوے تو اَدَھن سے بھی  وہ بد تر

 

بر سات کے مو سم میں نپٹ  زہر ہے اُومس

سب چیز تو اچھّی ہے،پر اک  قہر  ہے اُومس

 

جس و قت ہَوا ہو، اور آکے   گھٹا چھا ئے

پھر کہیے  ، دل  اُس گر می  میں کس طرح نہ گھبرائے

او ڑھو تو  پسینا ،جو نہ  اوڑھو  تو غضب آئے

پسّو ،کبھی مچھّر، کبھی  کھٹمل  ہی لپٹ  جائے

 

بر سات کے مو سم میں نپٹ زہر ہے اُومس

سب چیز تو اچھّی ہے،پر اک قہر ہے اُومس

 

گر اِس میں ہوا  کُھل  گئی ،اور پا نی  بھی لا ئی

تو جی میں جی،اور جان میں کچھ  جا ن سی  آئی

اور اس میں جو پھر  ہو گئی  اُومس کی چڑھا ئی

تو پھر وہی رو نا ،وہی  غل ،شور ،دُ ہا ئی

 

بر سا  ت کے مو سم میں نپٹ  زہر  ہے اُومس

سب چیز تو اچھّی  ہے ، پر اک قہر ہے اُومس

 

اِس رُت میں  تو و اللہ عجب عیش ہے  دل خواہ

مِنہہ بر سے  ہے  ،اور سرد ہَوا آتی  ہے ہر گاہ

جنگل بھی ہرے ،گل  بھی کھلے  ،سبز چرا گاہ

اُومس ہی مگر دل کو ستا تی  ہے  نظؔیر  ،آہ

 

بر سات کے مو سم میں  نپٹ  زہر  ہے اُومس

سب تو چیز تواچھّی  ہے،پر اک  زہر ہے اُومس