بچے کی دعا-علامہ اقبال
Bacche ki Dua by Allama Iqbal
(ماخوذ)
بچوں کے لیے
لب پہ آتی ہے دُعا بن کے تمنا میری
زندگی شمع کی صورت ہو خدایا میری
دور دنیا کا مرے دم سے اندھیرا ہو
جائے
ہر جگہ میرے چمکنے سے اُجالا ہو جائے
ہو مرے دم سے یونہی میرے وطن کی زینت
جس طرح پھول سے ہوتی ہے چمن کی زینت
زندگی ہو مری پروانے کی صورت یا رب
علم کی شمع سے ہو مجھ کو محبت یا رب!
ہو مرا کام غریبوں کی
حمایت کرنا
دردمندوں سے ضعیفوں سے محبت کرنا
میرے اللہ ! برائی بچانا مجھ کو
نیک جو راہ ہو، اُس رہ پہ چلانا مجھ
کو
0 Comments