Budhapa By Nazeer Akbarabadi|بُڑھاپا -نظیرؔ اکبر آبادی

 

بُڑھاپا -نظیرؔ اکبر آبادی
Budhapa By Nazeer Akbarabadi

 

کیا قہر ہے یارو ،جسے  آجائے  پڑھاپا

اور عیش ِ جوانی  کے تئیں  کھا ئے  بُڑھاپا

عشرت کوملا خا ک  میں ، غم لائے بُڑھاپا

ہر کام کو، ہر بات  کو تر سا ئے  بُڑھاپا

 

سب  چیز کو ہو تا ہے بُرا ہا ئے  بُڑھاپا

عاشق کو تو اللہ نہ دکھلا ئے  بُڑھاپا

 

جو لو گ خو شامد  سے بٹھا تے  تھے گھڑی ،پہر

چھا تی   سے لپٹتے  تھے، محبّت  کی  جتا لہر

اب آکے   بُڑھاپا نے کیا  ہائے  یہ کچھ  قہر

اب جن  کے کنے جاتے ہیں ، لگتے  ہیں انھیں  زہر

 

سب چیز کو ہو تا ہے بُرا ہائے  بُڑھاپا

عا شق کو تو اللہ نہ دکھلائے بُڑھاپا

 

آگے تھے جہاں  گُل بدن و یو سف ِثا نی

دیتے تھےہمیں پیارسے  چھلّوں کی نشانی

مر جائیں ،تو اب مُنہ  میں نہ  ڈ الے  کوئی پا نی

کس دُکھ  میں ہمیں  چھو ڑ گئی ،ہائے جوانی

 

سب چیز کو ہو تا ہے بُرا ہائے  بُڑھاپا

عاشق کو تو اللہ  نہ دکھلائے  بُڑھاپا

 

یاد آتے ہیں  ہم کو جو جوانی کے  وہ ہنگام

اور جام  ،دل آرام،مزے ،عیش اور آرام

ان سب میں   جو دیکھو  تو نہیں  ایک  کا اب نام

کیا ہم  پہ ستم کر گئی  یہ  گردش ِایّام!

 

سب چیز کو ہو تا ہے بُرا ہائے  بُڑھاپا

عا شق کو تو اللہ  نہ دکھلا ئے  بُڑھا پا

 

 مجلس میں جو  انوں  کی تو سا غر ہیں چھلکتے

چُہلیں  ہیں ، بہاریں  ہیں ، پری رُو ہیں  جھمکتے

ہم اُ ن کی  تئیں  دور سے  ہیں  رشک  سے  تکتے

وہ عیش  و طرب کرتے ہیں  ،ہم سر ہیں  ٹپکتے

 

سب چیز کو ہو تا  بُرا ہائے بُڑھاپا

عاشق کو تو اللہ نہ دکھلا ئے  بُڑھا پا

 

جب عیش کے مہمان تھے، اب غم  کےہو ئے  ضَیف

اب خون  جگر کھا تے  ہیں ،جب پیتے  تھے  سو کیف

جب اینٹھ کے چلتے تھے، سپر باندھ ،اُٹھا سیف

اب ٹیک  کے لا ٹھی  کے تئیں چلتے ہیں ،صد حیف

 

سب چیز کو ہو تا  ہے بُرا ہائے بُڑھاپا

عاشق کو تو اللہ نہ دکھلا ئے بُڑھاپا

 

پو چھیں  جسے ،کہتا ہے وہ، کیا پو چھے  ہے بُڈّھے

آویں ،تو یہ ،غُل  ہو کہ ، کہاں  آوے ہے بُڈّھے

بیٹھیں ،تو یہ ہو دھوم، کہاں  بیٹھے  ہے بُڈّھے

دیکھیں  جسے ،کہتا ہے وہ  ،کیا  دیکھے ہے  بُڈّھے

 

سب چیز کو ہو تا ہے بُرا ہا ئے  بُڑھاپا

عاشق کو تو اللہ نہ دکھلا ئے بڑھاپا

 

کیا یارو کہیں ،گوکہ  بُڑھاپا ہے ہمارا

پر ،بو ڑھے کہا نے کا نہیں تو بھی  سہارا

جب، بوڑھا ،ہمیں  ،ہا ے جہاں کہ کے پکارا

کا فر نے کلیجے  میں گو یا  تیرسا مارا

 

سب چیز کو ہو تا ہے بُرا ہا ئے بڑھاپا

عا شق کو تو اللہ  نہ دکھلا ئے بُڑھاپا

 

بو ڑھوں  میں اگر جا ویں  تو لگتا  نہیں  واں دل

واں کیو نکے  لگے،دل تو ہے  محبو بوں  کا مائل

محبوبوں میں جا ویں ،تو وہ سب چھیڑے  ہیں مِل مِل

کیا سخت مصیبت کی پڑی  آن کے مشکل

 

سب چیز کو ہو تا  ہے بُرا ہا ئے  بُڑھاپا

عا شق کو تو اللہ نہ دکھلا ئے بُڑھاپا

 

پنگھٹ کو ہماری  اگرا سواری  گئی ہے

تو واں  بھی لگی  ساتھ  یہی  خوا ری  گئی  ہے

سُنتے ہیں کہ  کہتی ہو ئی پنہاری  گئی ہے

"لو دیکھو' بُڑھا پے  میں یہ  مت ماری گئی ہے"

 

سب چیز کو ہو تا ہے بُرا ہا ئے  بُڑھاپا

عا شق کو تو اللہ نہ دکھلا ئے بُڑھاپا

 

پگڑی ہوا گر  لال ،گُلابی ،تو یہ ،آفت

کہتا ہے ہر اک  دیکھ کے"،کیا خوب ہے رنگت"

ٹھٹّھے سے کوئی  کہتا ہے، کر شکل پہ رحمت

"لا حول ولا' دیکھیے  بو ڑھے  کی حما قت"

 

سب چیز کو ہو تا ہے بُرا ہائے  بڑھاپا

عا شق کو تو اللہ  نہ دکھلائے بُڑھاپا

 

گر یباہ میں جاویں ،تویہ  ذلّت  ہے اُٹھا نا

چُھٹتے  ہی بنے باپ نکا جی  کا نشاہ

رندوں میں اگر جا ویں ،تو مشکل  ہے پھر آنا

افسوس ،کسی جا نہیں  بو ڑھے  کا ٹھکا نا

 

سب چیز کو  ہو تا ہے بُرا ہائے بُڑھاپا

عا شق کو تو  اللہ نہ دکھلا ئے  بُڑھا پا

 

دریا   کے تما شے  کو اگر جا ویں ،تو یارو

کہتا ہے ہر اک دیکھ  کے،"جاتے ہو کہاں کو"؟

اور ہنس کے شرارت سے کوئی پو چھے  ہے بد خُو

"کیوں خیر ہے، کیا خضر سے ملنے  کو چلے ہو؟"

 

سب چیز  کو ہو تا ہے بُرا ہائے بُڑھا پا

عا شق کو تو اللہ نہ دکھلا ئے بُڑھا پا

 

نقلیں کو ئی اِن پو پلے  ہو نٹھوں کی  بنا وے

چل کر کو ئی  کُبڑے  کی طرح ،قدکو جُھکا وے

داڑھی کے کنے انگلی  کو لالا کے نچاوے

یہ خواری تو اللہ کسی  کو نہ  دکھا وے

 

سب چیز کو  ہو تا ہے بُرا ہا ئے بُڑھاپا

عا شق کو تو اللہ  نہ دکھلا ئے بُڑھاپا

 

 تھے جیسے جو انی  میں کیے دھوم  دھڑکّے

ویسے ہی بُڑھاپے میں  چُھٹے  آن کے چھَکّے

سب اُڑگئے  کا فروہ نظا رے ،وہ  جَھمکّے

اب عیش  جوانوں کو ہیں ،اور بو ڑھوں  کو دھکّے

 

سب چیز کو ہو تا ہے بُرا ہا ئے بُڑھاپا

عا شق  کو تو اللہ نہ دکھلا ئے بُڑھاپا

 

گرحرص سے دا ڑھی  کو خضاب اپنی  لگاویں

جُھرّی جو پڑی مُنہ  پہ، اُسے کیو نکے مٹاویں

گو مکر  سے ،ہنسنے  کے تئیں ،دانت بندھاویں

گردن تو پڑی  ہلتی  ہے،کیا  خاک  چھپاویں

 

سب چیز کو ہو تا ہے بُرا ہا ئے  بُڑھا پا

عا شق کو تو اللہ نہ دکھلا ئے بُڑھاپا

 

یہ ہو نٹھ  جواب پو پلے یاروہیں  ہمارے

اِن ہو نٹھوں نے بو سوں  کے بہت رنگ ہیں مارے

ہو تے  تھے جو انی  میں تو پر یوں  کے گزارے

اور اب  تو چُڑیل آن کے،اک لات نہ مارے

 

سب چیز کو ہو تا ہے بُرا ہائے بُڑھاپا

عاشق کو تو اللہ نہ دکھلا ئے بڑھا پا

 

تھے جیسے  جو انی  میں پیے  جام  سبو کے

ویسے  ہی بُڑھا پے میں پیے  گھو نٹ لہو کے

جب آکے  گلے  لگتے  تھے محبوب  بھبھو کے

اب کہیے  ،تو بُڑھیا  بھی  کو ئی مُنہ پہ نہ تھو کے

 

سب چیز کو ہو تا ہے بُرا ہا ئے بڑھاپا

عا شق کو تو اللہ نہ دکھلا ئے بڑھاپا

 

محفل میں وہ مستی  سے بگڑنا نہیں بھو لے

سا قی سے پیالوں پہ جھگڑنا نہیں  بھو لے

ہنس ہنس کے پری  زادوں سے لڑنا  نہیں بھو لے

وہ گا لیاں ،وہ بوسوں پہ اَڑنا نہیں بھو لے

 

سب چیز کو ہو تا ہے بُرا ہا ئے  بُڑھا پا

عا شق کو تو اللہ نہ دکھلا ئے بُڑھاپا

 

کیا دَور تھا ، سر دُکھنے  کاہو تا تھا جَدا فسوس

ہر غنچہ دہن دیکھ کےکر تا تھا  حدا فسوس

اب  مر بھی اگر جا ئیں ،تو ہوتا ہے کدافسوس

افسوس ،صدافسوس،صد افسوس،صدافسوس!

 

سب چیز کو ہو تا ہے  بُرا ہا ئے بُڑھاپا

عا شق کو تو اللہ نہ دکھلا ئے  بُڑھا پا

 

وہ جوش  نہیں ،جس کے کو ئی خوف سےدہلے

وہ زعم نہیں، جس سے کو ئی بات  کو سہہ لے

جب پھو س ہو ئے ہاتھ،تھکے پانو بھی پہلے

پھر جس کے  جو کچھ  شوق میں آوے  سو ہی  کہ لے

 

سب چیز کو ہو تا ہے بُرا ہائے بُڑھاپا

عا شق کو  تو اللہ نہ دکھلا ئے بُڑھاپا

 

کر تے تھے جو انی  میں تو سب آپ سےآ،چاہ

اور حُسن دکھا تے  تھے وہ  سب آن کے دل خواہ

یہ قہر  بڑھا پے   نےکیا ،آہ نظیرؔ ،آہ!

اب کوئی نہیں پو چھتا ،اللہ ہی اللہ

 

سب چیز کو ہو تا  ہے بُرا ہائے بُڑھاپا

عا شق کو تو اللہ نہ دکھلائے  بُڑھاپا