Duniya Darul Makafaat hai By Nazeer Akbarabadi|دُنیا دارُ المکا فات ہے–نظیرؔ اکبر آبادی

دُنیا دارُ المکا فات ہے–نظیرؔ اکبر آبادی
Duniya Darul Makafaat hai By Nazeer Akbarabadi

 

دُنیا عجب با زار   ہے ،کچھ جنس  یا ں  کی سات لے

نیکی   کا بد لا  نیک ہے، بَد سے بدی کی  بات لے

میوہ  کِھلا ،میوہ  ملے  ،پھل  پھول  دےپھل پات لے

آرام دے ،آرا م  لے،دُکھ  درددے ،آفات  لے

 

کلجگ نہیں ،کر جگ ہے یہ   ،یاں دن کو دے ،اوررات لے

کیا خوب سودا نقد ہے  ،اِس ہاتھ  دے ،اُس ہات لے

 

 کا نٹا کسی کے مت لگا،گو مثلِ گُل  پھولا  ہے تُو

وہ تیرے   حق میں تیرہے، کس بات پر پھولا  ہے تُو

مت آگ  میں ڈال اور کو ،پھر گھاس  ک پولا ہے تُو

سُن رکھ یہ نکتہ  بے خبر ،کس بات پر بھولا ہے تُو

 

کلجگ نہیں ،کر جگ ہے یہ   ،یاں دن کو دے ،اوررات لے

کیا خوب سودا نقد ہے  ،اِس ہاتھ  دے ،اُس ہات لے

 

شو خی  ،شرارت ،مکر و فن ،سب کا بسیکھا ہے یہاںٍ

جو جو دکھا یا اور کو ،وہ آپ دیکھا  ہے یہاں

کھو ٹی کھری  جو کچھ کہے،تس کا پر دیکھا  ہے یہاں

جَو جَو  پڑا تُلتا ہے دل  ،تِل تِل  کا لیکھا ہے یہاں

 

کلجگ نہیں ،کر جگ ہے یہ   ،یاں دن کو دے ،اوررات لے

کیا خوب سودا نقد ہے  ،اِس ہاتھ  دے ،اُس ہات لے

 

جو اور کی  بستی  رکھے ،اُس کا بھی  بستا  ہے پُرا

جو اور کے مارے  چھری ،اُس کے بھی لگتا ہے  چُھرا

جو اور کی تو ڑی  دُھری ،اُس کا  بھی ٹو ٹے  ہے دُھرا

جو اور  کی  چِیتے  بدی، اُس کا بھی  ہو تا ہے بُرا

 

کلجگ نہیں ،کر جگ ہے یہ   ،یاں دن کو دے ،اوررات لے

کیا خوب سودا نقد ہے  ،اِس ہاتھ  دے ،اُس ہات لے

 

 

جو اور کو پھل دیو ے  گا، وہ  بھی سدا  پھل  پاوے گا

گیہوں  سے گیہوں ،جَو سے جَو ،چاول سے چاو ل پاوے گا

جو آج  دیو ے گا یہاں ، ویسا ہی  وہ کل پاوے گا

کَل  دیوے گا  ،کَل  پاوے گا، کلپا وے گا ،کلپا وے گا

 

کلجگ نہیں ،کر جگ ہے یہ   ،یاں دن کو دے ،اوررات لے

کیا خوب سودا نقد ہے  ،اِس ہاتھ  دے ،اُس ہات لے

 

جو چاہے  لے چل  اِس گھڑی  ،سب  جنس  یاں تیّا ر ہے

آرا م میں آرام ہے، آزار  میں آزار ہے

دُنیا  نہ جان اِس  کو میاں ،دریا کی  یہ  منجد  ھار ہے

اور وں  کا بیڑا پا کر ،تیرا بھی  بیڑا پار ہے

 

کلجگ نہیں ،کر جگ ہے یہ   ،یاں دن کو دے ،اوررات لے

کیا خوب سودا نقد ہے  ،اِس ہاتھ  دے ،اُس ہات لے

 

تُو اور کی  تعریف کر  ،تجھ کو  ثنا  خو انی  ملے

کر مشکل  آساں  اورکی ،تجھ کو بھی آسانی ملے

تُو اور کو مہمان  کر، تجھ کو  بھی مہمانی  ملے

رو ٹی  کھِلا  ،روٹی  ملے ،پانی پلا، پانی  ملے

 

کلجگ نہیں ،کر جگ ہے یہ   ،یاں دن کو دے ،اوررات لے

کیا خوب سودا نقد ہے  ،اِس ہاتھ  دے ،اُس ہات لے

 

کر چُک جو  کچھ کرنا ہوا ب، یہ دم  تو کوئی  آن ہے

نقصان  میں نقصان ہے، احسان میں احسان  ہے

تہمت میں یاں  تہمت  لگے ،طوفان میں طو فان ہے 

رحمان  کو رحمان  ہے، شیطان کو شیطان ہے

 

کلجگ نہیں ،کر جگ ہے یہ   ،یاں دن کو دے ،اوررات لے

کیا خوب سودا نقد ہے  ،اِس ہاتھ  دے ،اُس ہات لے

 

یاں زہر  دے تو  زہرلے  ،شکّر  میں شکّر  دیکھ لے

نیکوں کو نیکی کا مزہ ،موذی  کو ٹکّر  دیکھ لے

موتی دیے موتی ملیں ،پتّھر  میں پتّھر  دیکھ لے

گر تجھ  کو یہ باوَر نہیں، تُو تُو بھی کر کر دیکھ  لے

 

کلجگ نہیں ،کر جگ ہے یہ   ،یاں دن کو دے ،اوررات لے

کیا خوب سودا نقد ہے  ،اِس ہاتھ  دے ،اُس ہات لے

 

اپنے نفع  کے واسطے  ،مت  اور کا  نقصان  کر

تیرا بھی نقصاں ہو وے گا، اِس بات  او پر دھیان کر

کھا نا  جو کھا  ،تو دیکھ  کر، پانی  پِیے  تو چھاں کر

یاں پانو  کو رکھ پھونک  کر، اور خوف  سے گُزران کر

 

کلجگ نہیں ،کر جگ ہے یہ   ،یاں دن کو دے ،اوررات لے

کیا خوب سودا نقد ہے  ،اِس ہاتھ  دے ،اُس ہات لے

 

غفلت کی یہ  جاگہ  نہیں  ،یاں  صا حب ِ ادراک رہ

دل شادرکھ  ،دل شادرہ ،غم  ناک رکھ  ،غم ناک رہ

ہر حال  میں تو بھی نظیرؔ ،اب ہر قدم  کی خاک  رہ

یہ وہ مکاں  ہے  او میاں، یاں پاک رہ ، بے باک رہ

 

کلجگ نہیں ،کر جگ ہے یہ   ،یاں دن کو دے ،اوررات لے

کیا خوب سودا نقد ہے  ،اِس ہاتھ  دے ،اُس ہات لے