Ek Phalsaphazada Syyad Zade ke Naam By Allama Iqbal|ایک فلسفہ زدہ سید زادے کےنا م -علامہ اقبال

 

ایک فلسفہ زدہ سیّد  زادے  کےنا م -علامہ اقبال
Ek Phalsapha zada Syyad Zade ke Naam By Allama Iqbal

 

 

تُو اپنی  خودی  اگر نہ  کھوتا

زُنّاری  بر گساں  نہ ہو تا

 

ہیگل  کا صَدف گُہر سے خالی

ہےاُس کا طلسم  سب خیالی

 

محکم کیسے  ہو زندگانی

کس طرح  خودی ہو لازَمانی !

 

آدم  کو ثبات کی طلب  ہے

دستورِ حیات  کی  طلب ہے

 

دُنیا کی عشاہو جس  سے اِشراق

مومن  کی  اذاں  نِدائے  آفاق

 

مَیں  اصل  کا خاص  سومناتی

آبا مِرے  لاتی و مناتی

 

تُو سیّدِ ہاشمی  کی  اولاد

میری کفِ خاک  برہمن زاد

 

ہے فلسفہ  میرے آب وگِل  میں

پو شیدہ  ہے ریشہ  ہائے  دل میں

 

اقبالؔ اگر چہ  بے  ہُنر ہے

اس کی رگ رگ سے با خبر  ہے

 

شعلہ  ہے تر ے جنوں  کا بے سوز

سُن مجھ سے  یہ  نکتۂ دل  افروز

 

انجامِ خرد  ہے بے سوز

سُن مجھ سے  یہ  نکتۂ دل افروز

 

انجامِ خرد  ہے  بے حضوری

ہے فلسفہ زندگی  سے  دُوری

 

افکار کے  نغمہ  ہائے  بے صَوت

ہیں  ذو قِ  عمل کے وا سطے  موت

 

دِیں  مسلکِ  زندگی  کی تقویم

دِیں سرِّ محمدﷺ و براہیمؑ

 

"دل در سخنِ محمدی بند

اے  پُورِعلیؓ ز بُو  علی  چند!

 

چوں دیدۂ راہ بیں  نداری

قا ید  قر شی بہ از  بخاری "