Firaq By Nazeer Akbarabadi|فراق-نظیرؔاکبرآبادی

 

فراق-نظیرؔاکبرآبادی
Firaq By Nazeer Akbarabadi  

 

جب سے  تم کو لے گیا ہے یہ فلک اظلم کہیں

جی تر ستا  ہے کہیں  اور چشم  ہے پُر نم  کہیں

ہم پہ جو گز را ہے ،وہ  گزرا کسی  پر کم کہیں

نہ تسلّی  ہے، نہ  دل کو چین  ہے اک دم کہیں

 

چھو ٹ  جاویں  غم  کے ہاتھوں  سے جو نکلے  دم کہیں

خا ک ایسی زندگی  پر، تم کہیں  اور ہم کہیں

 

تم وہاں  بیٹھے  ہو، ہم یاں ہجر کے ہا تھوں  خراب

نہ تو دن کو بھوک  ہے، نہ رات کو آتا ہے  خواب

بے قراری ،یاد گاری ،انتظاری ،اضطراب

کیا کہیں  ،تم بن پڑا ہے ہم پہ اب کیسا  عذاب

 

چھو ٹ  جاویں  غم  کے ہاتھوں  سے جو نکلے  دم کہیں

خا ک ایسی زندگی  پر، تم کہیں  اور ہم کہیں

 

ہر گھڑی آنسو  بہانا  دیدۂ خوں بار سے

رات کو سر  پٹکنا  ہر درد ودیوار سے

آہ ونالہ کھینچا  ہر دم دلِ بیمار سے

ہے بُرا حوال اب تو ہجر  کے آزار سے

 

چھو ٹ  جاویں  غم  کے ہاتھوں  سے جو نکلے  دم کہیں

خا ک ایسی زندگی  پر، تم کہیں  اور ہم کہیں

 

یادآتی  ہے تمھاری  اُلفتوں کی جب  کہ چاہ

دل کے ٹکڑے  ہو تے  ہیں ،آنسو  بہے  ہیں خواہ مخواہ

پانو میں  طاقت ،نہ تن میں زور ،نہ معلوم راہ

کیا غضب ہے، کیا  کریں ،کچھ بن نہیں آتی ہے آہ

 

چھو ٹ  جاویں  غم  کے ہاتھوں  سے جو نکلے  دم کہیں

خا ک ایسی زندگی  پر، تم کہیں  اور ہم کہیں

 

نہ کسی مہرو اُلفت ،نہ کسی  سے پیار ہے

نہ رفیق  اپنا کو ئی  او ر نہ کوئی  غم خوار ہے

دل اُدھر سینے  میں تڑ  پے ، جی اِدھر بیمار  ہے

کیا کہیں  ،اب تو بہت مٹّی  ہماری خوار ہے

 

چھو ٹ  جاویں  غم  کے ہاتھوں  سے جو نکلے  دم کہیں

خا ک ایسی زندگی  پر، تم کہیں  اور ہم کہیں

 

گھر میں  جہ بہلے  ،نہ باہر  انجمن  میں دل  لگے

نہ خوش  آوے  سیر، نہ سر وو سمن  میں دل  لگے

نہ پہاڑوں میں، نہ صحرا  میں، نہ بن میں دل لگے

اب تو تم بن نہ گلستاں ،نہ چمن  میں دل لگے

 

چھو ٹ  جاویں  غم  کے ہاتھوں  سے جو نکلے  دم کہیں

خا ک ایسی زندگی  پر، تم کہیں  اور ہم کہیں

 

پر نہیں  ،اُڑ  کر تمہارے  پاس جو آجایئے

جی ہی جی  میں کب تلک  خونِ  جگر کو کھایئے

چشمِ تر اور داغ  سینے کے کسے  دکھلایئے

دل سمجھتا  ہی نہیں  ،کیوں کر اُسے سمجھایئے

 

چھو ٹ  جاویں  غم  کے ہاتھوں  سے جو نکلے  دم کہیں

خا ک ایسی زندگی  پر، تم کہیں  اور ہم کہیں

 

دم بہ دم  بھرتے  ہیں ٹھنڈی  سانس  بے دل کی طرح

نالہ و فریاد  ہیں ہر آن  گھا ئل  کی طرح

سر پٹکنا  اور تڑ پنا  رات دن، دل کی طرح

خاک و خوں  میں لو ٹتے  ہیں اب  تو بسمل  کی طرح

 

چھو ٹ  جاویں  غم  کے ہاتھوں  سے جو نکلے  دم کہیں

خا ک ایسی زندگی  پر، تم کہیں  اور ہم کہیں

 

اب جو اپنے حال  پرہم خوب کرتے  ہیں نگاہ

ہر گھڑی  مثلِ نظیرؔ اِس  غم  سے ہے  حا لت  تباہ

ہے جو کچھ  ظلم و ستم  ہم پر، کہیں  کیا تم  سے آہ

بن مو ئے  ابِ  تو نظر  آتا نہیں ہر گز بناہ

 

چھو ٹ  جاویں  غم  کے ہاتھوں  سے جو نکلے  دم کہیں

خا ک ایسی زندگی  پر، تم کہیں  اور ہم کہیں