Jawahar Khanae Duniya By Nazeer Akbarabadi|جواہر خا نۂ دُنیا-نظیرؔاکبر آبادی

جواہر خا نۂ دُنیا-نظیرؔاکبر آبادی
Jawahar Khanae Duniya By Nazeer Akbarabadi

یہ جو اہر خانۂ دُنیا، جوہے  باآب  و تاب

اہلِ صورت کا ہے دریا، اہلِ معنی کاسراب

 

وہ  مُطلّا قصرِ رنگین ،وہ منتقّشَ بام و در

جن کی رنگینی سے تھا قصرِ  ارم  کو پیچ   و تا

 

وہ عظیم الشّاں مکاں،دیتی  تھیں جن کی رفعتیں

ہنس کے رطاقِ آسماں کو،  طاقِ ابرو سے  جواب

 

اُ ن میں تھے  وہ صا حبِ ثروت ،جنھیں  کہتی تھی خَلق

کیقبادو قصیر وکیخسر ووافراسیاب

 

ہر طرف فوجِ تُباں ،ہر سو ہجوم ِ گُل رُخاں

جن کے عارض ،رنجِ ماہ ور شکِ روے  آفتاب

 

چشمک و آن وا شارات  واداوسر کشی

طنز و تعریض و کنا یت ،غمزہ و ناز وعتاب

 

صبح سے لے شام تک اور شام سے  لے تابہ صبح

متّصل رقص و سرودوپے  بہ پےجامِ شراب

 

سا قی و مطرب ،ندیم  و مستی  ومَے  خوار گی

سا غر و  مینا، گل و عطر   ومے نقل و کباب

 

کثرتِ اہلِ نشاط و جوشِ نوشانو شِ مَے

اززمیں تا آسماں شورِ نے وچنگ ورباب

 

وہ بہا ریں ،وہ فضائیں  ،وہ ہوائیں،وہ سُرور

وہ طر ب ،وہ عیش ،کچھ  جس کا  نہیں حدّو حساب

 

یا توووہ ہنگامۂ تَنشیط تھا،یاد فعتاً

کر دیا کچھ ایسا اِس  دورِ فلک  نے انقلاب

 

جو وہ  سب جاتے  رہے دم میں حباب  آسا ،مگر

رہ گئے  عبرت  زدہ وہ قصرِویران و خراب

 

تھا جہاں وہ مجمعِ عالی،وہاں اب ہے تو کیا

نقشِس سُمّ گور،یا کُہنہ  کوئی  پَرّعِقاب

 

ہیں اگردو  خشت  باہم ،تو لبِ افَسوس ہیں

اور جو کوئی طا ق ہے،تو صورت چشم ِ پُرآب

 

خواب کہیے اِس تماشے کو نظیرؔ اب، یا خیال

کچھ  کہا جا تا نہیں،وَللہُ اَعْلَم بِا لصّواب