Khamsa By Nazeer Akbarabadi|خمسہ -نظیراکبرآبادی

 

خمسہ -نظیرؔاکبرآبادی
Khamsa By Nazeer Akbarabadi

 

تھا ہجر  میں جیسا دلِ ویرا ں  تہ  وبالا

ویسا ہی  بسا،  وصل  کاہوتے ہی اُجالا

ہو چاہ  کا رتبہ  نہ بھلا کیوں  کے دو بالا

پھر آن  کے منّت  سے ملاہم  سے وہ  لالا

 

المنّتہُ اللہِ تقّد س و تعا لٰے

 

کچھ غم   نہیں گر تو نے لہو میرا بہایا

بسمل  کی طرح   خاک میں  او ر خوں  میں نہایا

ارمان  جو کچھ  دل کا مرے  تھا سو بر آیا

 کر قتل  ،مجھے  تو نے  ہمیشہ  کو جِلایا

 

ظالم ،تجھے  جیتا رکھے اللہ تعالٰے

 

 اس عالمِ  لیلیٰ کی ہوئی  جب سے  مجھے چاہ

تن سو  کھ  کے کانٹا  ہوا اور  مثلِ  پرِکاہ

اِس حال کو پہنچا ہوں غم  ودرد سے واللہ

دیکھ اب تو  مجھے  ہر کوئی   کہتا ہے  یہی آہ

 

پھر قبر  سے اللہ  نے مجنوں کو نکالا

 

آنکھوں  میں دم آیا ہے  مرا نزع  اب تو

دنیا  سے گزرتا  ہوں میں حسرت زدہ رورو

اکھڑا  ہے دم  اور نکلے  ہے جی  اب کوئی  دم کو

مرمر مجھےکہتا  تھا،  سو مرتا  ہوں میں  یارو

 

اب لاؤ ،کہاں  ہے وہ مرا  کو سنے  والا

 

غنچوں کی  طرح  مل کے   لہو  اپنے  دہن سے

زخموں  کے  نشاں  سب وہ نمایا  ں ہیں   بدن  سے

حسرت  زد  ہ گھبرا  کے ہر اک  اپنے کفن سے

بَن  تختۂ گل  ،آخرش  اس خاکِ چمن  سے

 

نکلا  مرے  قا تل  کے شہیدوں  کا رسالا

 

مرتا ہوں ،  تڑپتا ہوں  پڑا  ہجر میں اُس   بِن

د ن عمر  کے بھرتاہو   ں شب درروز میں  گن  گن

مل جاؤے  کہیں تجھ    سے وہ کافر  جوکسی  دن

قا صد  ،تو مرا نام  تو لیجیو نہ، ولیکن

 

کہنا  ،کوئی  مرتا ہے ترا  چاہنے والا

 

اب  فصل ِ بہار  آئی   ہے دھوموں سے زمین میں

فر قت  کے  غم  ودرد سے طاقت  نہیں تن  میں

اور غل   ہیں پڑے بلبل  و گل  سردو سمن میں

کیا خاک  اڑانے  کو چلیں  آ ہ چمن  میں

 

نہ یار ،  نہ ساقی ،نہ صرا حی، نہ پیالا

 

مدّت  میں کہیں  ایک   توآنا  ہوا اس  کا

اور آتے ہی  قسمت  نےمری  اس کو رُٹھایا

رہ رہ   کے مجھے  اب تو یہی  حیف  ہے آتا

جیسا کہ وہ   ہو مجھ سے خفا   رو ٹھ  چلا تھا

 

اللہ نے کیوں   جب ہی   مجھے  مارنہ ڈالا

 

یہ نور  جو برسے ہے پڑا کوچہ  و در سے

یارو،  یہ  تجلّی  تو نہ   ہو شمس  و قمر  سے

دل دھڑکے  ہے،دیکھا نہیں جاتا  ہے نظر  سے

شاید وہی   بن ٹھن  کے چلا  ہےکہیں  گھر سے

 

ہے یہ تو  اُسی  چاند سی صورت   کا اُجالا

 

اُس  شوخ   سی صو رت  کو ترس  رہتی  ہیں آنکھیں

دریا کی  طرح  رات   اور دن  بہتی  ہیں آنکھیں

فر  قت  کا جواز   بس کہ ستم  سہتی ہیں آنکھیں

لےلے  کے بلائیں  مجھے یہ  کہتی  ہیں آنکھیں

 

صدقے ترے، پھر ایک نظر  اُس کو   دِکھا لا

 

ہے اُس  کے   چہرے  پہ  عجب رنگ چمکتا

پر رنگ  وہ ایسا  ہےکہ  سمجھا  نہیں جاتا

نہ  سبز نہ  سرخ  اور نہ سفید  اور نہ  سنہرا

دل جانے ہے  اُس  رنگ  کو جو   رنگ  ہے اُس کا

 

یوں کچھ  ہی کہو ،وہ  تو نہ   گورا ہے،نہ کالا

 

کل ہم   نے جوکی    بادہ    کشی  صبح  سے  تاشام

اور پی  کے  چلے  ساتھ   ستم گر   کے   کئی  جام

اِس صِند  کا بھلا کیوں نہ اُسے   دیجیے  الزام

اور   وں کو جو گرتے  ہو ئے دیکھا  تو  لیا تھام

 

ہم گربھی  پڑے  تو بھی  نہ  ظالم  نے  سنبھا لا

 

کیا کیا نہ  ستم   تو نے  سہے  عشق میں   جاں کاہ

آنکھوں  میں  دم  آیا  ترا،  تن غم   سے ہوا کاہ

اب جینے  کا تیرے  کوئی  چارہ  نہیں  واللہ

ہم تجھ سے اِسی  روز  کو  روتے  تھے نظیرؔآہ

 

کیوں   تو نے  پڑھا عشق  و محبّت  کا رسالا