Khwab Ka Tilism By Nazeer Akbarabadi|خواب کا طلسم-نظیرؔاکبرآبادی

 

خواب کا طلسم-نظیرؔاکبرآبادی
Khwab Ka Tilism By Nazeer Akbarabadi

 

یارو، ذرا سنو ،یہ عجب  سیر ہے  بڑ ی

صحنِ چمن میں ابر  کی آکر لگی  جھڑی

پی کر  شراب  عیش کی ہر دم کڑی کڑی

کل بے  خبر ہو رات کو سویا میں جس گھڑی

 

اُس خواب  میں مجھے اک عمارت  نظر پڑی

 

آئی نظر  جو مجھ کو وہ نادر محل  سرا

دل میں پری کے باغ کا مجھ کو یقیں ہوا

جب اُس مکاں کےپاس   میں ڈرتا ہواگیا

دیکھوں تو اُس کا ہے درِدو لت  سرا کُھلا

 

آیایہ دل  میں دیکھیے  چل   کر کوئی  گھڑی

 

پہنچا یوں ہی  میں اُس  چمنِ  زرفشاں میں

جھمکے  مکاں جو اُس  کے مرے  آن آن میں

عالم  سنہرے پردوں میں اورسا   یبان میں

کیادیکھتا  ہوں جا کے    میں ہراک مکان  میں

 

سو نے  کی کھان  ہے کہ  بہی پھر تی   ہے پڑی

 

گلشن کہیں ،چمن   کہیں ،شیشہ ،صراحی ،جام

فرش ِطلا بچھا ،کہیں یکسر  جڑت  کاکام

تھی  نقرئی زمیں تو سنہرے تمام  بام

طاق  و رواق  اُس کے  جھمکتے تھے یوں مدام

 

گو یا کہ اینٹ اینٹ جواہر کی ہے   جڑی

 

دیکھی  پھر اُس میں ایک ستم ایجادمہ لقا

اوپر  نظر  گئی جو مری  سرسےتا بہ پا

صورت وہ قہر   چاند  کا ٹکڑا سا بے   بہاہ

اورحسن  کا بیان  تو  جا تا نہیں  کہا

 

نقشاہ  وہ جس  کے پانو پہ لوٹے  پری پڑی

 

خوں  ریزا برو ،جان کی قا تل ہر اک نگاہ

مثر گاوہ  بر جھپیوں  کو لیے  تل رہی  سپاہ

مہندی  سے انگلیوں  نے کیے   خونِ  بے گناہ

آنکھوں  میں کھینچ  رہا تھا  وہ کا جل  غضب  سیاہ

 

پڑ جائے  جس سے دل  میں فرشتوں  کے ہڑ بڑی

 

زلفیں  وہ مشک  ِ ناب  سی ،  چہرہ  وہ  چاند سا

جگنو  رہا گلے  میں ستارہ  سا جگمگا

گہنے  کا وصف  یا کہ  بدن  کی کہوں  صفا

جاتا تھا سرخ  جو ڑے  میں تن  یوں  جھمک  دکھا

 

گو یا شفق  میں آن  کے بجلی چمک پڑی

 

رکھّے  تھی اُس گھڑی   تو یہ عالم  وہ مہ  جبیں

شاید  کہ اس طرح  کی نہ ہو گی  پری  کہیں

حسرت  سے آن کر  مری  آنکھوں  نے واں  جو نہیں

دیکھی  جو اس  بہار کی  کا فر وہ نازنیں

 

دل لوٹ  پو ٹ  ہو گیا  ،جاں  غش  میں جا پڑی

 

کیا کیا کہوں  میں  شوخ  کے  عالم  بناو کا

تصو یر بن رہی  تھی لگا  سر سے  تابہ  پا

اُس دم  بند  ھی تھی  اُس کی  غضب آن کر ہو

کافر  کھڑ ی  ہو ئی  تھی عجب  ڈھب سے  بن بنا

 

اک ہاتھ  میں لے  آئنہ  ،اک ہاتھ میں چھڑی

 

دیکھی  جو میں  نے واں یہ  طلسمات  کی ہوا

عا لم   جو اہرات  کا ہر  جا چمک  رہا

اُس کی  چمک  جھمک  کی بہاریں  کہوں  میں کیا

چمکا  جو وہ  مکاں  مری آنکھوں  میں نور سا

 

حیرت  سے عقل   آن  کے  چکّر  میں جا پڑی

 

ایسا مکاں تو میں نے نہ دیکھا تھا  ،نہ سنا

دیو انہ ہو  میں چاروں  طرف دیکھنے لگا

چاہا  کہ  دیکھوں  کو ٹھے  کے اوپر  نظر اٹھا

اتنے  میں اک  طرف  سے جو پردہ  سا اُ ٹھ گیا

 

بجلی   سی کچھ  چمک  گئی  آنکھو ں  میں اُس گھڑی

 

آکر کھڑی  ہو ئی  تھی جوواں  نا گہاں  وہ شوخ

لیتی  تھی ہر نگاہ  میں عا شق  کی جاں  وہ شوخ

کچھ  چلبلی  نگاہ  تھی ، کچھ  انکھڑیاں وہ شوخ

کر تی تھی  سیر  چاروں  طرف  کی  جوواں  وہ شوخ

 

اِتنے میں پھرتی  اُس کی  نظر  مجھ پہ  آپڑی

 

اُس کی  نگہ کے آنے کا میں  کیا کروں  بیاں

بجلی  تھی یا کہ  تیر تھی،  گولی  تھی  یا  سناں

میری طرف  کو دوڑ  کے آتی  تھی ،  ناگہاں

میری نظربھی  دو ڑ  کے  اُس کی نظر سے واں

 

ایسی لڑی کہ خوب  لڑی ،خوب  ہی لڑی

 

بارے نظر  کے لڑتے  ہی کچھ کم  ہوا حجاب

الفت  کی آکے  دونوں  طرف سے  کھینچی  طناب

اتنے میں  دیکھ دیکھ  کے وہ   رشکِ  ما ہتاب

اک بار کھِل  کھلا کے ہنسی  اور اُتر  شتاب

 

کا فر وہ میرے  پاس ہی آکر ہو ئی  کھڑی

 

کہنے  لگی  کہ تونے  بلایا  ہےکیوں مجھے

دے خواب  کو دعا  کہ نہ پا تا  وُوں  مجھے

چا ہتا  میں اپنی ڈوبا  ہو ا دیکھا  جوں مجھے

ہنس  کر لپٹ  گلے  سے ،لگی  کہنے یوں  مجھے

 

آاس  محل  میں چل  کے کریں عیش  دو گھڑی

 

اُس گل بدن سے جب ملی  آکے مجھ  کو داد

مار ے خو شی  کے کچھ  نہ رہی  تن  بدن کی  یاد

کیوں  کر بھلا  نہ عیش  و طرب  دل کو  ہو زیاد

میر ی تو اُس پری  سے یہی  عین  تھی مراد

 

سنتے ہی دل  کی کھل گئی ہر ایک  گُلجھڑی

 

پالا پڑا جو  مجھ کو اُس آب ِ حیات  سے

جاں  آگئی  بدن میں  مرے  اُس کی بات سے

آخر کو لے  چڑھی  مجھے کو ٹھے  پہ گھات  سے

دو چار  جام  مجھ کو پلا  اپنے ہات سے

 

سو ناز  سے پلنگ پہ مرے پاس  آپڑی

 

آنے  سے اُس  کے ،دل  کا مرے  کھل  گیا چمن

عیش  و طرب  کے ابر  کی پڑنے لگی  بھرن

نازک کمر، وہ صاف  شکم  اور وہ  نرم تن

گل سا  ملا جو مجھ کو نیا گُداگُدا بدن

 

رگ رگ میں میری  چھٹ گئی  عشرت کی پھلجھڑی

 

لےکے بغل میں اُس کو لگایا  جو نہیں گلے

سو عشرتوں  کے دل  پہ مرے کھل گئے  درے

حاضر  ہو ئے  جب آن  کے سب  عیش  اور مزے

سینے  سے سینہ  مل گیا  او ر لب سے لب ملے

 

لٹنے لگی بہار  مزوں  کی دھڑی دھڑی

 

ایدھر تو  جوشِ عشق اُدھر  حسن  اور جنوں

ناز وادا کی آ  کے  لگی  ہونے  ڈ ھپّ ڈھوں

اِن عشرتوں میں  آہ  نصیبوں  کوکیا کہوں

چاہا  میں   اُس پری  سے جو  کچھ  اور  کچھ کہوں

 

اِتنے میں ہاے یار مری آنکھ  کھل پڑی

 

یہ حا دثہ  جومجھ  پہ پڑا  آکے  یک بہ یک

آنکھوں سے میری  اُس گھڑی  آنسو پڑے ٹیک

نیند اُڑگئی ،قرار گیا، جل گئی  پلک

جا گا  کیا نظیرؔ  میں پھر آہ  صبح تک

 

مل مل کے ہاتھ  رات کی کاٹی گھڑی گھڑی