Mah-e- Nau By Allama Iqbal|ماہ نو-علامہ اقبال

 

ماهِ نَو-علامہ اقبال
Mah-e- Nau By Allama Iqbal

ٹُوٹ کر خورشید کی کَشتی ہوئی غرقابِ نیل

ایک ٹکڑا تیرتا پھرتا ہے رُوئے آبِ نیل

طشتِ گردُوں میں ٹپکتا ہے شفق کا خونِ ناب

نشتر ِقُدرت نے کیا کھولی ہے فصدِ آفتاب

چرغ نے بالی چُرا لی ہے عُروس ِشام کی

نیل کے پانی میں یا مچھلی ہے سیمِ خام کی

قافلہ تیرا رواں بے منت بانگِ درا

گوشِ انساں سُن نہیں سکتا تری آوازِ پا

ہے وطن تیرا کدھر، کس دیس کو جاتا ہے تُو

ساتھ اے سیّارہ ثابت نما لے چل مجھے

خارِحسرت کی خلش رکھتی ہے اب بے کل مجھے

نور کا طالب ہوں، گھبراتا ہوں اس بستی میں میں

طفلکِ سیماب پا ہوں مکتبِ ہستی میں َمیں