Maut By Nazeer Akbarabadi|مَوت-نظیؔر اکبر آبادی

 

موت-نظیؔر اکبر آبادی
Maut By Nazeer Akbarabadi

 

دُنیامیں اپنا جی کو ئی بہلا کے مرگیا

دل تنگیوں سے اور کوئی اُکتا کے مرگیا

عا قل تھا وہ ،تو آپ کو سمجھا کے مرگیا

بے عقل ،چھا تی پیٹ کے،گھبرا کے مر گیا

 

دُکھ پاکے مر گیا،کو ئی سُکھ پاکے مر گیا

جیتا رہا نہ کو ئی ،ہر اک آکے مر گیا

 

دن رات دُن مچی ہے یہاں،  اوررپڑی ہے جنگ

چلتی ہے نِت اَجل کی سناں ،گو لی اور تفنگ

جس کا قدم بڑھا ،وہ مُوا ووہیں بے درنگ

جو جی چھپا کے بھا گا ،تو اُس کا ہوا یہ رنگ

 

وہ بھا گتے میں تبیع و تبر کھا کے مر گیا

جیتا رہا نہ کو ئی ہر اک آکے مرگیا

پیدا ہو ئے ہیں خلق میں اب  جتنے جُزو وکُل

یا چُپ گزاری عمر ،ویا دھوم کر چُہُل

جب آن فنا نے کِھلا یا  اَجل کا گُل

کام آئی کچھ کسی کو خموشی ،نہ شور وغُل

 

چُپکے کو ئی مُوا ،کوئی  چلّاکے مر  گیا

جیتا رہا نہ کو ئی ،ہر اک آکے مر گیا

 

پڑھ کر نماز ،کوئی رہا پاک ،باوضو

کو ئی شراب پی کے پھرا مست کو بہ کو

نا پا کی ،پاکی،مَوت کے ٹھہری نہ رو بہ رو

کوئی عبادتوں سے،مُوا ہو کے سُرخ رُو

 

ناپاک ،رو سیاہ بھی، پچھتا کے مرگیا

جیتا رہا نہ کو ئی ،ہر اک آکے مرگیا

 

بِا لفرض گر کسی کو ہوئی یادکیمیا

یا مُفلسی میں ایک نے خون جِگر پیا

کو ئی زیادہ عُمر سے ،اک دم نہیں جیا

سو کھی کسی نے رو ٹی چبا ،غم میں جی دیا

 

قلیہ ،پلاو،زردہ،کوئی کھا کے مرگیا

جیتا رہا نہ کو ئی،ہر اک آکے مرگیا

 

پہنا کسی نے خوب لباس عطر کا بھرا

یا چیتھڑوں کی گُڈاری کوئی اوڑھ کر پھرا

آخر کو جب اجل کی چلی آن کر ہَوا

پُولے کے جھونپڑے کو کوئی چھوڑ کر چلا

 

باغ و مکاں ،محل ،کوئی  بنوا کے مرگیا

جیتا رہا نہ  کوئی،ہر  اک آکے مرگیا

 

گیسو  بڑھا کے ،کوئی مشائخ ہو ا  یہاں

یا بے نوا ہو، کوئی ہوا خود مُنڈا یہاں

جب مُرشدِ اجل کا قدم  آیا درمیاں

کوئی  تو لمبی  داڑھی  لیے ہو  گیا رواں

 

مو نچھیں  ،بھویں تلک کوئی مُندوا کے مرگیا

جیتا رہانہ کوئی ،ہر اک آکے  مر  گیا

 

گر ایک  بےوقار ہوا،ایک قدردار

سرپر لگاجب  آن کے تبیع ِ اجل کا وار

بے قدری کام آئی ،کسی کا نہ کچھ وقار

تھا بے حیا ،سودہ تو مُوا کھو  کےننگ وعار

 

اور جس کو  شرم تھی،سووہ  شرما کےمر گیا

جیتا رہا نہ کو  ئی ،ہر اک آکے  مرگیا

 

عا شق ہو،گر  کسی نے،،کسی گل کی چاہ کی

عا شق نے اپنے عشق بڑھانے میں جان دی

اور جب اَجل کی دونوں  سےآکر لگن لگی

 معشو قی  کام آئی کسی کی،نہ عاشقی

 

دل بر بھی اپنےحُسن کو چمکاکے مرگیا

جیتا رہانہ  کو ئی ،ہر  اک آکے مرگیا

 

مرنے سے پہلے مر گئے جو  عا شقانِ زار

وہ  زندہ ٔ ابد ہوئے  تا  حشر بر قرار

کیاکا تبانِ اہلِ قلم ،خوش  نویس کار

جتنی  کتابیں دیکھتے  ہو،لاکھ  یا  ہزار

 

کو ئی لکھ کےمر  گیا ،کوئی لکھوا کے مر گیا

جیتا  رہانہ کوئی ،ہر  اک آکے  مرگیا

 

پیرو مرید،شاہ وگدا،میرا ور وزیر

سب آن  کر  اجل کے ہو ئے دام میں اسیر

مُفلس ،غریب،صا حبِ تاج وعلم،سریر

کوئی ترس  ترس کے مُواغم میں اے نظیرؔ

 

کوئی ہزاروں عیش کی ٹھرا کےمر گیا

جیتا رہانہ کوئی ،ہر اک  آکے مرگیا