Pankha By Nazeer Akbarabadi|پنکھا -نظیر اکبرآبادی

 

پنکھا -نظیرؔ اکبرآبادی
Pankha By Nazeer Akbarabadi

 

کیا موسمِ  گرمی  میں نمودار ہے  پنکھا

خو بوں  کے  پسینوں  کا خریدار ہے پنکھا

گل رُوکا  ہر اک جاپہ  طلب گار ہے پنکھا

اب پاس مرے یار  کے  ہر بار ہے پنکھا

 

گرمی  سے محبّت  کی بڑا یار ہے پنکھا

 

کیا کیا تجھے  اُلفت  کی  جتا تا ہے  وفا ئیں

دھوپ  آوے ،تو کرتا ہے پڑا ہاتھ  سے چھا ئیں

بے تاب ہو، کرکرکے خو شامد  کی ہو ائیں

لیتا ہے ہر اک  دم  ترے  مکھڑے  کی بلائیں

 

ایسا تری  الفت میں  گر فتار  ہے پنکھا

 

دل باغ ہوا جاتا  ہے پھولوں  کی بھبک سے

اور رُح  بسی  جاتی  ہے خوش  بوکی مہک سے

کچھ خس  سے ،کچھ اُس پانی  کی بوندوں کی ٹپک  سے

نیندآتی  ہے آنکھوں میں چلی  جن کی  جھپک سے

 

کیا یار  کے جھلنے  کا مزے  دار ہے  پنکھا

 

نرمی  سے ،صفائی  سے ،نزاکت سے ،بھڑک سے

گو ٹوں  کی لگاوٹ سے ، اور  ابرک کی چمک سے

مُقّیش کے جھڑتے  ہیں پڑے  تار جھپک سے

دریا کو ئی و گو ٹے  و کناری   کی جھمک  سے

 

کیا ہاتھ  میں کافر  کے جھمک دار ہے پنکھا

 

ہے یہ  وہ ہوا  دار ، جہاں  اِس کا گزر ہو

پھر گرمی  تو واں  اپنے  پسینے  میں چلے رو

کرتا ہے خو شی  رُوح  کو، دیتا ہے عرق  کھو

رکھتا ہے سدا اپنے وہ قبضے  میں ہوا کو

 

سچ پو چھو  تو کچھ  صاحبِ  اسرار  ہے پنکھا

 

لے شام  سے ، گرمی  میں سدا،تا بہ سحر گاہ

رہتا ہے ہراک  وقت  پری زادوں  کے ہم راہ

عا شق کے تئیں  اُس کی  بھلا کیو نکے  نہ ہو چاہ

پھولوں کی گُند ھاوٹ سے اب  اُس گُل  کا نظیرؔ آہ

 

رشکِ چمن  و حسرتِ گُل  زار ہے پنکھا