Pari Ka Sarapa By Nazeer Akbarabadi|پری کا سرا پا -نظیرؔاکبرآبادی

پری کا سرا پا -نظیرؔاکبرآبادی
Pari Ka Sarapa By Nazeer Akbarabadi

 

خوں  ریز  کر شمہ ،ناز ستم ،غمزوں  کی  جُھمکا  وٹ  ویسی ہی

مِثر گاں  کی  سناں ،نظروں  کی انی ، ابرو کی کھچا وٹ ویسی ہی

قتّال نگہ اور دُشت  غضب ،آنکھوں  کی لگا وٹ  ویسی ہی

پلکوں  کی  جَھپک ،پُتلی  کی پھِرت ،سرے  کی گُھلا وٹ ویسی ہی

 

عیّا ر نظر ، مکّا رادا ،تیوری  کی چڑ ھاوٹ  ویسی ہی 

 

بے درد ، ستم گر،بے  پروا ،بے کل، چنچل ،چٹکیلی  سی

دل سخت قیا مت  پتّھر  سا اور باتیں نرم  رسیلی  سی

آنوں  کی بان  ہٹیلی  سی، کاجل  کی آنکھ  کٹیلی سی

وہ انکھیاں مست  نشیلی  سی،کچھ  کالی  سی ،کچھ  پیلی  سی

 

چتون کی دغا ،نظروں کپٹ ،سینوں  کی لڑاوٹ ویسی ہی

 

اُس کا  فر بینی  اور نتھ  کے انداز ،قیامت  شان بھرے

اورگہرے چاہِ زنخداں  میں  سو آفت  کے طو فان  بھرے

وہ نرمے  صا ف ستارا  سے ، اور موتی سے  دامان  بھرے

وہ کانِ جو اہر  کان بھرے  کَن  پھو لوں ،بالے  ،جان بھرے

 

بندے کی لٹک ،جُھمکے  کی جھمک ،بالے کی  ہلا وٹ ویسی ہی

 

چہرے  پر چُن کی گرمی  سے  ہرآن  چمکتے  موتی سے

خو ش  رنگ  پسینے  کی بوندیں ،سو بار  جھمکتے  مو تی سے

ہنسنے  کی ادا  میں پھول  جھڑیں،باتوں   میں ٹپکتے موتی سے

وہ پتلے پتلے  ہو نٹھ  غضب،  اور دانت  چمکتے  موتی سے

 

پانوں کی رنگاوٹ قہر ،دھڑیوں کی جماوٹ ویسی ہی

 

تھی پہنے دو نوں  ہا تھوں  میں کافر جو کڑے  گنگا  جمنی

کچھ  شو خ کڑوں کی جھنکا ریں ،کچھ  جھنکے  چو ڑی  با نہوں  کی

یہ دیکھ  کے عالم ،عا شق کا سینے  میں نہ  تڑ پے  کیو  نکر جی

وہ پتلی  پتلی  انگشتیں ،پوریں  وہ نازک  ناز ک سی

 

مہندی  کی  رنگت ،فِندق کی  بَنَت ،چَھلّوں کی چھلاوٹ ویسی ہی

 

وہ کافر  دھج ،جی ،  دیکھ  جسے ، سو بار  قیامت  کا لرزے

پازیب ،کڑے ،پاپل ،گھنگر و، کڑیاں، چھڑیاں ، گجرے  ،تو ڑ ے

ہر جنبش  میں سو جھنکا  ریں ،ہر ایک قدم  پر سو  جھمکے

وہ چنچل  چال جوانی  کی ،اونچی ایڑی ،نیچے نیچے

 

کفشوں  کی کھٹک  ،دامن کی جھٹک ،ٹھو کر  کی لگاوٹ ویسی ہی

 

یہ ہو ش  قیامت  کافر کا،جو بات  کہوں  ،وہ  سب  سمجھے

رو ٹھے ،مچلے، سوسو انگ  کرے ،باتوں  میں لڑے ،نظروں میں ملے

یہ شو خی ،پُھرتی ،بے تابی ،اک آن کبھی  نچلی  نہ رہے

چنچل  ،اچیل ،مٹکے چٹکے ،سر کھو  لے ڈ ھا نکے  ہنس ہنس کے

 

قہقہے کی ہنساوٹ اور غضب ،ٹھٹّھوں کی اڑا وٹ  ویسی ہی

قا تل  ہرآن  نئے  عالم ،کافر  ہر آن نئی  جھمکیں

با نکی نظریں ،تر چھی  پلکیں ،بھولی  صو رتیں ، بیٹھی  با تیں

دل بس  کرنے کے لاکھوں ڈھب ،جی  لینے  کی سوسو  گھا تیں

ہر وقت پھبیں ، ہرآن  سجیں ،دم دم  میں بدلے   لاکھ دھجیں

 

بانہوں  کی جھپک ،گھو نگھٹ کی ادا، جوبن کی دکھا وٹ ،ویسی ہی

 

جواُس  پر حُسن کا عالم ہے ، وہ عالم  حُور کہاں پاوے

گر پر  دہ مُنہ سے دور کر ے، خو رشید  کو چکّر  آجاوے

جب ایسا  حُسن بھبھو  کا ہو،  دل تا ب بھلا  کیو نکر  لاوے

وہ  مکھڑا چاند کا ٹکڑا  سا، جو دیکھ  پری کا  غش آوے

 

گالوں کی دمک ،چوٹی  کی جھمک ،رنگوں  کی کُھلاوٹ ویسی ہی

 

کچھ نازوادا ،کچھ مغروری ،کچھ  جو رو جفا ،کچھ بانک  پنا

کچھ آمد حُسن  کے موسم کی ،کچھ  کافر حُسن  رہا گدار

کچھ شور  جوانی اُٹھتی  کا، چڑھتا ہے اُمنڈ  کر جوں دریا

وہ سینہ  اُبھرا  جوش بھرا، وہ حُسن  کا عالم  جھوم رہا

 

شانوں  کی اکڑ ،جوبن کی تکڑ سبح  دھج  کی سجا وٹ  ویسی ہی

 

یہ کافر گُدّی کا عالم ،گھبرا ئے  پری  بھی دیکھ  جسے

وہ گورا صاف  گلا ایسا  ،بہ جاوے  موتی دیکھ  جسے

دل لو ٹے  ،تڑپے،ہاتھ ملے ،اور غرش  کھاوے جی،  دیکھ جسے

وہ گردن  اونچی حُسن بھری ،کٹ جائے  صرا حی  دیکھ جسے

 

دائیں  کی مُڑت  ،بائیں کی پِھرت ،مونڈھوں کی  کھچا وٹ  ویسی ہی