Soaz-e-Firaq By Nazeer Akbarabadi|سوز فراق-نظیرؔاکبرآبادی

 

سوزِ فراق-نظیرؔاکبرآبادی
Soaz-e-Firaq By Nazeer Akbarabadi

 

مجھے اے  دوست تیرا ہجراب  ایسا  ستاتا ہے

کہ دشمن  بھی مرے  احوال  پر آنسو  بہاتا ہے

یہ بے تابی  ،یہ  بے خو ابی ،یہ بے چینی دکھا تا ہے

نہ دل لگتا ہے  گھر میں  اور نہ صحرا  مجھ کو  بھا تا ہے

اگر  کچھ مُنہ سے بولوں  تو مزہ اُلفت  کا جاتا ہے

و گر  چپکا ہوں رہتا تو کلیجا  مُنہ  کو آتا ہے

مر ادرد  ویست  اندر دل  ،اگر گویم    زبان سوزد

و گردم  درکشم  ،ترسم کو مغزِ اُستخوان سوزد

 

کوک کروں  تو جگ ہنسے  اور چپکے لاگے  گھاو

ایسے  کٹھن سینہ کا کس  بِدھ کروں اُپاو

 

نہ تھا معلوم  جو الفت  میں غم کھا نا  بھی ہو تا ہے

جگر کی بے کلی اور دل  کا گھبرانا  بھی ہو تا ہے

سسکنا ،آہ کرنا ،اشک  بھر لانا  بھی ہو تا ہے

تڑ پنا ،لو ٹنا ،بے تاب  ہو جانا  بھی ہو تا ہے

کیے  پر اپنے  پھر آپی کو  دُکھ  پانا بھی ہو تا ہے

کفِ افسوس  کو مل مل  کے پچھتا  نا بھی ہو تا ہے

اگر دانستم ازروزِ ازل داغِ جدایی را

نمیکر  دم بدل  روشن  چراغِ  آشنایی را

 

جو میں ایسا جانتی پیت  کیے دُکھ  ہو ئے

نگر  ڈھنڈھورا پھیر تی ،پیت  نہ کیجو   کو ئے

 

سحر سے شام تک صحرا  میں پھرنا دِن کو من مارے

لگا کر  شام  سے تا صبح  گننا  رات  کے تارے

لبوں  پرآہ ،دل میں داغ م،جوں آتش  کے نگارے

جسے دل چا ہتا  ہے،اُس  کو کچھ  پروا نہیں بارے

جب اُس  کی ہی  یہ  مرضی  ہے، تو چپ بیٹھے  ہیں بے چارے

مگر اُس  کے تصوّر میں  یہی  کہتے  ہیں ،  اے پیار ے !

زحال ِ من  کہ چو  نم بی رخت ،داری خبر یانہ

دل ِمن سوخت  آیا  در دولت  باشد اثریا نہ

 

آہ دئی  کیسی  بھئی  اُن چاہت  کے سنگ

دیپک  کے بھاویں  نہیں ،جل جل  مریں  پتنگ

 

کبھی ہو کر  گریباں  چاک صحرا کو نکلتا ہوں

کبھی گھبرا کے پھر  گھر کی طرف  نار چلتا ہوں

لگی  ہے آگ دل میں  ،شمع  ساں  جل  کر پگھلتا ہوں

دُھواں اُٹھتا  ہے آہوں  کا، بہ  رنگِ  موم  گلتا ہوں

بدن میں  دیکھ کر شعلے  بھڑکتے ،ہاتھ ملتا ہوں

بھبھو کے تن  سے اُٹھتے  ہیں ،سَتی  کی طرح  جلتا ہوں

زتابِ  آتشِ  دوری  کہ میسوز ددل  وجان  را

نمود ہ نبضِ من  پُرا آبلہ دستِ طبیان  را

 

برہ آگ تن  میں لگی ،جرن  لگے  سب گات

ناری چھووت ،بید کے پڑے  پھپھولا ہات

 

 

غضب ہے ایک تو سمجھے نہ دل  ،اور جی  بھی گھبراوے

تس اوپر  ہر گھڑی  اُس دل  ربا کی  شکل  یاد آوے

نہ ہو  دل کیوں  کے ٹکڑے ،اور نہ جاں کسی  طور اُکتاوے

درودیوار  سے کیوں  کر نہ  کوئی  سر کو  ٹکرا وے

لگے جو  آگ دل میں پھر وہ  بجھنے  کس طرح پاوے

مگر جس  نے لگائی ہو ،وہی آکر  بُجھا  جاوے

چو در دل آتشِ دوری  فتدا ،او ر کہ بنشا  ند

مگر آن کس  کہ آتش  زد، ہمان آبی  برا  فشاند

 

ہر دے اندردَوں لگی، دھواں نہ  پر گھٹ  ہو ئے

باتن  لاگی ،سو لکھے ، د و جا  لکھے  نہ کو ئے

 

کہاں تک کھایئے  غم،  اب تو غم کھا یا  نہیں جاتا

دلِ  بے تاب  کو با توں  سے بہلا یا نہیں  جاتا

قدم رکھتا  ہوں  جس  جا، واں سے  سر کا یا  نہیں جاتا

یہ پتّھر  ،ہاتھ  سے تِل  بھر بھی  اُکسا  یا نہیں جاتا

پڑا ہوں دشت  میں، رستہ  کہیں پایا  نہیں  جاتا

جو چاہوں بھاگ  جاؤں ،بھاگ بھی جایا نہیں جاتا

مکانِ  یار دور از من، نہ پر دارم  نہ پا، ای دل

عجب  در مشکل افتاد  م،چسان  طی  سازم  این  منزل

 

نامیرے  پنکھ  ،نہ پانو بَل ،میں  اِپنکھ ،پیادور

اُڑنہ سکوں ،گرگر پڑوں ، رہوں  بِسو ربِسور

 

اُدھر دل مجھ سے کہتا ہے کہ  تو چل  یار کے ڈیرے

اِدھر  تن مجھ کو  کہتا  ہے کہ  تومت  مجھ کو  دُکھ دے رے

جو کہنا  دل کا کرتا ہوں، تو رہتا  ہے وہ گھر میرے

و گر تن کی  سنوں  ،تو اور  دُکھ  پڑتے  ہیں بہتیرے

نہ دل مانے ،نہ تن  مانے، ہر اک اپنی طرف  پھیرے

کروں  کیامیں نظیرؔ ،ایسی  جو مشکل  آن کر گھیرے

دلم دلدار میجو ید،تنم  آرام میخوا ہد

عجائب کشمکش  دارم کہ جا نم مفت میکا ہد

 

دل چاہے  دل دار کو ، اور تن  چاہے آرام

دبدھا  میں دونوں گئے،مایا ملی نہ رام