Taj Ganj Ka Roza By Nazeer Akbarabadi|تاج گنج کا رو ضہ-نظیراکبرآبادی

تاج گنج  کا رو ضہ-نظیرؔاکبرآبادی
Taj Ganj Ka Roza By Nazeer Akbarabadi

 

یارو ،جو تاج گنج یہاں  آشکا رہے

مشہور  اس کا نام بہ شہر و دیار  ہے

خو بی   میں سب   طرح   کااِسے  اعتبار  ہے

روضہ جو اِس مکان میں در یا  کنار ہے

 

نقشے  میں اپنے ،یہ بھی عجب  خوش  نگار  ہے

 

رو ے زمیں  پہ  یوں  تو مکاں خوب  ہیں یہاں

پر،اس  مکاں کی خو  بیاں   کیا کیا  کروں بیاں

سنگِ سفید  سے  جو بنا   ہے  قمر نشاں

ایسا چمک  رہا  ہے  تجلّی  سے   یہ  مکاں

 

جس سے بلور کی   بھی چمک  شر مسار ہے

 

گُنبد ہے اس کا  زور  بلندی  سے بہرہ مند

گرد اس کے  گُمزیاں  بھی چمکتی   ہوئی  ہیں چند  

اور وہ  کلس جو ہے   سرِ گنبد  سے سر بلند

ایسا  ہلال  اس میں   سنہرا  ہے دل   پسند

 

ہر بار  جس  کے  خم پہ مہ   نو نثار ہے

 

گنبد کے نیچے   اورمکاں  ہیں جو آس پاس 

وہ بھی  بہ  رنگِِ سیم  چمکتے  ہیں  خوش  اساس

برسوں  تک  اس میں رہیے تو ہو وے  نہ  جی اداس

ایسا ہلال  اس میں  سنہرا   ہے  دل   پسند

 

ہو  تا ہے  شاد ،اس میں جو  کرتا گزار  ہے 

 

ہیں پیچ  میں مکاں کے  وہ  دو مرقدیں جو یاں

گِرداُن کے ایک جا  لی   مجحّر  ہے دُر فشاں

سنگین   گل جو اس میں بنا ئے  ہیں تہ   نشاں

پتّی ،کلی ،سہاگ ،رگ و رنگ  ہے عیاں

 

 جو نقش اس میں ہے  ،وہ  جو اہر  نگار  ہے

 

دیواروں پر ہیں  سنگ  میں ناز ک عجب  نگار

آئینے  بھی  لگے  ہیں مُجلّیّ و تاب  دار

دروازے  پر لکھا خطِ طغرا  ہے  طُرفہ کار

ہر گو شے  پر کھڑے   ہیں  جو  مینار  اس کے چار

 

چاروں سے  طُر فہ   اَوج   کی خو بی  دو چار ہے

 

پہلو میں  ایک بُرج بسی  کہتے  ہیں اسے

آ تے نظر ہیں   اُس سے مکاں دوردور کے

مسجد ہے ایسی  جس کی  صفت  کس سے ہو  سکے 

پھر اور بھی    مکاں ہیں  اِدھر  اور  اُدھر  کھڑے

 

دروازۂ کلاں بھی بلند  استوار ہے

 

جو صحن  باغ  کا  ہے ،وہ  ہے دل  کشا سوا

آتی  ہے جس میں گلشنِ   فردوس کی  ہوا

ہر سو نیم  چلتی  ہے اور ہر طرف  ہَوا

ہلتی  ہیں ڈا لیاں سبھی ،  ہر گل  ہے  جھو لتا

 

کیا کیا  روش روش پہ  ہجوم  بہار ہے

 

سروِسہی کھڑے  ہیں، قرینے  سے نسترن

کُو کُوکر یں ہیں قمریاں ،ہو کر  شکر  شکن

را بیل  ،سیو تی سے  بھرے   ہیں  چمن چمن

گُلنا  رولا  لہ وو گل  و نسرین  و نستر  ن

 

فوّ ارے چھٹ رہے ہیں، رواں  جو بیار  ہے

 

وہ تاج  دار  شاہِ  جہاں  ،صا حب ِ سر یر

بنوایا  ہے اُنھوں نے ،لگا  سیم و ز ر کثیر

جو دیکھتا  ہے ،اُس کے یہ ہو تا  ہے دل پذ یر

تعریف  اس مکاں کی میں   کیا کیا  کروں نظیرؔ

 

اس کی  صفت  تو مشتہر ِ روز گار ہے    ِِِِِ