Talashe Zar By Nazeer Akbarabadi| تلاشِ زر-نظیرؔ اکبر آبادی

 

  تلاشِ زر-نظیرؔ اکبر آبادی
Talashe Zar By Nazeer Akbarabadi
 

 دنیا میں  کون   ہے،جو نہیں  ہے فدا  ے زر

جتنے ہیں،سب  کے دل  میں بھری   ہے ہَوا ے زر

آنکھوں میں، دل میں،جان میں،سینے میں جاےزر

ہم کو بھی  کچھ تلاش نہیں اب، سواے زر

 

جو  ہے ،سوہو  ر ہا ہے  سدا مبتلا ے زر

ہر اک یہی  پکارے ہے دن رات ،ہاےزر

 

کتنے  توزر کو،نقشِِ طلسمات کہتے ہیں

اور کتنے زرکو ،کشف وکرامات کہتے ہیں

کتنے ،خدا کی  عین  عنایات کہتے ہیں

کتنے ،اُسی  کو قاضیِ حا جات کہتے ہیں

 

جو ہے،سو ہو رہا سدا مبتلا ےزر

ہر اک یہی  پکارے ہے  دن رات ،ہاے زر

 

زرکھا ن میں گڑاہے، توواں بھی  بہار ہے

شمشیر پر  چڑھا ہے ،توواں  بھی بہارہے

دیوار  میں لگا ہے،توواں بھی بہار ہے

گر  خاک میں گرا ہے،تو  واں بھی  بہار ہے

 

جو ہے ،سو ہو رہا ہے سدا مبتلا ے زر

ہر اک  یہی پکارے ہے دن رات ،ہاے زر

 

زر کے  دیے  سے،پیر اوراُستاد نرم ہو

زر کے سبب  سے، دشمنِ نا شاد نرم  ہو

جو شوخ سنگ دل  ہے   پری زاد،نرم ہو

زروہ ہے،جس کو دیکھ کے،فو  لاد  نرم ہو

 

جو ہے،  سو ہو رہا ہے سدا مبتلا  ے زر

ہر اک یہی پکارے ہے دن رات ،ہاے زر

 

کپڑےپہ  گر لگا ہے  طلائی کلا بتوں

میں اُس کے  تار تار کی تعریف کیا کہوں

ہو دست رس،تو چوراُچکّے  کو کیا کہوں

میرے ہی  دل میں ہے  کہ  میں ہی اُس کو چھین لو ں

 

جو  ہے، سو ہو رہا ہے  سدا مبتلا  ے زر

ہر اک یہی پکارے ہے دن رات ،ہاے زر

 

سو نے  کی جَد وَلیں جو کتا بوں پہ عالم  ہیں

وہ جد  و لیں ،وہ رنگ ،وہ سو نے  کے کام ہیں

جن کے ورق ورق بھی  سنہرے تمام ہیں

سب میں زیادہ  اُن کے  ہی قیمت  میں نام ہیں

 

جو  ہے،  سو ہو رہا ہے سدا مبُتلا ے زر

ہر اک یہی پکارے ہے  دن رات ،ہاے زر

 

اب جن کے گھر میں ڈھیرہیں  سو  نےکے دام  کے

ہر  ایک اُمید وار  ہیں اُن کے سلام کے 

سب مل کے پانو چو مے ہیں اُن  کے غلام کے

کیا رُتبے ہیں  طلاے علیہ  اسّلام کے

 

جو ہے،سو ہورہا  ہےسدا مبتلاے زر

ہر اک یہی پکارے ہے دن رات ،ہاے زر

 

سو  نا اگر چہ زرد ہے، یا سرخ  فام ہے

لیکن تمام خلق کو اُس سے ہی کام  ہے

سب میں زیادہ حُسن کی اُلفت کادا م ہے

زروہ  ہے  ،جس  کا حسّن  بھی ادنا غلام ہے

 

جو ہے،سو ہو رہا ہے سدا مبتلاے زر

ہر اک یہی پکارے  ہے دن رات  ،ہا ے  زر

 

ہو تی  ہیں زر  کے وا سطے  ہر جا   چڑھا ئیاں

کٹتے ہیں  ہاتھ،پانو،گلےاور کلائیاں

بندوقیں ،اور ہیں  کہیں  تو پیں  لگا ئیاں

کُل زر کی ہو رہی  ہیں جہاں میں لڑا ئیاں

 

جو ہے  ،سو ہو رہا  ہے  سدا  مبتلاے زر

ہر اک یہی  پکارے ہے  دن رات  ،ہاے زر

 

جتنی جہاں میں خلق ہے ،کیا شاہ کیا  وزیر

پیرو مرید ومُفلس و محتاج  اور فقیر

سب ہیں گے  زر کے جال میں  جی  جان سے اسیر

کیا کیا کہوں میں خو بیاں زر کی  ،میاں نظیرؔ

 

جو ہے،سو ہورہا ہے سدا مبتلا ے زر

ہر اک  یہی پکارے ہے دن رات ،ہاے زر