Aavaaz-E-Gaib By Allama Iqbal|آواز غیب-علامہ اقبال

آوازِ غیب-علامہ اقبال
Aavaaz-E-Gaib By Allama Iqbal

 

آتی ہےدمِ صبح  صدا عرشِ بریں سے

کھویا  گیا اس  طرح ترا جوہرِ ارداک

 

کس طرح  ہوا کُند ترا  نشترِ تحقیق؟

ہو تے نہیں  کیوں تجھ سے ستاروں کے جگر چاک ؟

 

تو ظاہر و باطن کی خلافت کا سزاوار

کیا  شعلہ  بھی ہوتا ہے غلامِ خس و خاشاک؟

 

مہر ومہ  و انجم نہیں محکو م ترے کیوں؟

کیوں تیری نگاہوں  سے لرزتے  نہیں افلاک ؟

 

اب تک  ہے رواں  گرچہ  لہو تیری  رگوں میں

نے گرمیِ افکار' نہ اندیشۂ بے باک

 

روشن تو وہ ہوتی ہے 'جہاں بیں نہیں ہو تی

جس آنکھ  کے پردوں میں نہیں  ہے نگہِ پاک

 

باقی نہ رہی  تیری  وہ آئینہ ضمیری

اے کُشتۂ سلطانی  و مُلاّ ئی  و پیری!

 

فر ہنگ

 

ادراک	عقل
ستاروں کے جگر  چاک	ستاروں کے بھید کھو لنا
غلامِ خس و خاشاک	گھاس پھونس کا غلام
محکوم	حکم ماننے والا
گرمیِ افکار	سوچ کا جذبہ یعنی  بلندِی  فکر
جہاں بیں	دُنیا پر نظر رکھنے والا -تجربہ کار
آئینہ ضمیری	دل کا  آئینے  کی طرح صاف ہو نا
سلطانی	بادشاہت
پیری	خواجگی (گدی نشینی)
نشتر تحقیق	تحقیق کا نشتر یعنی حقیقت تک پہنچنے  کا شعور
سزاوار	اہل-لائق
خاشاک	کوڑا کرکٹ
لہو تیری  رگوں میں	یعنی تو زندہ ہے'  طاقت رکھتا ہے
اندیشۂ بےباک	خیال کی بے باکی
نگہ پاک	پاکیزہ نظر
کشتہ	ماراہوا
ملائی	مولویت