Asar Kare Na Kare Sun To Le Meri Faryad|اثر کرے نہ کرے سن تو لے میری فریاد

 

غزل- علامہ اقبال
Ghazal By Allama Iqbal
Asar Kare Na Kare Sun To Le Meri Faryad

 

اثر کرے نہ کرے سن تو لے میری فریاد

نہیں ہے داد کا طالب یہ بندہ آزاد!

 یہ مشت ِخاک ، یہ صرصر، یہ وسعت افلاک

 کرم ہے یا کہ ِستم تیری لذتِ ایجاد

 ٹہر سکا نہ ہوےٰ چمن میں خیمہ گل!

 یہی ہے فصلِ بہاری ؟ یہی ہے بادِ مُراد ؟

 قصوروار ، غریب الدیار ہوں لیکن !

 ترا خرابہ فرشتے نہ کر سکے آباد

 مری جفا طلبی کو دعائیں دیتا ہے

 وہ دشتِ ساده ، وہ تیرا جہان بے بنیاد

 خطر پسند طبیعت کو سازگار نہیں

 وہ گلستاں کہ جہاں گھات میں نہ ہو صیّاد

مقام شوق ترے قدسیوں کے بس کا نہیں

 انھیں کا کام ہے یہ جن کے حوصلے ہیں زیاد!