Ek Shaam By allama Iqbalؔایک شام-علامہ اقبال

ایک شام-علامہ اقبال

Ek Shaam By Allama Iqbal

 

خاموش ہے چاندنی قمر کی

 شاخیں ہیں خموش ہر شجر کی

 وادی کے نوا فروش خاموش

 کُہسار کے سبز پوش خاموش

فطرت بے ہوش ہو گئی ہے

آغوش میں شب کے سو گئی ہے

 کچھ ایسا سکوت کا فسوں ہے

نیکر کا خرام بھی سکوں ہے

 تاروں کا خموش کارواں ہے

 یہ قافلہ بے درا رواں ہے

 خاموش ہیں کوہ و دشت و دریا

ُقدرت ہے مُراقبے میں گویا

اے دِل! تُو بھی خموش ہو جا

آغوش میں غم کو لے کے سوجا