Funuun-E-Latiifa By Allama Iqbal|فنون لطیفہ – علامہ اقبال

 

فنونِ لطیفہ – علامہ اقبال

Funuun-E-Latiifa By Allama Iqbal

 

اے اہلِ  نظر  ذوقِ  نظر خوب ہے لیکن

جو شَے  کی حقیقت کونہ دیکھے، وہ نظر کیا

 

مقصودِ ہُنر سوزِ حیاتِ ابَدی ہے

یہ ایک نفَس  یا دو نفَس مثلِ شرَر کیا

 

جس سے  دلِ  دریا  مُتَلا طم نہیں ہو تا

اے قطرۂ  نَیساں وہ صَدف کیا، وہ  گُہر کیا

 

شاعر کی نوا ہو کہ  مُغنّی  کا  نفَس  ہو

جس سے  چمن  اَفسردہ ہو وہ  بادِسَحر کیا

 

بے مُعجزہ دُنیا میں اُبھرتی  نہیں قو میں

جو ضربِ کلیمی  نہیں رکھتا وہ ہُنر کیا!