Hazrat-E-Insaan By Allama Iqbal| حضرت انساں-علا مہ اقبال

 

 حضرتِ انسان-علا مہ اقبال
Hazrat-E-Insaan By Allama Iqbal

 

جہا ں میں   دانش  و بنیش کی ہے کس درجہ ارزانی

کوئی شے چھپ نہیں  سکتی  کہ یہ عالم  ہے نورانی

 

کوئی دیکھے  تو' ہے باریک  فطرت کا حجاب اتنا

نمایاں ہیں  فرشتوں کے تبسم  ہائے  پنہانی

 

یہ دنیا دعوتِ  دیدار ہے فرزندِ آدم کو

کہ ہر مستور کو بخشا گیا ہے ذوقِ عر یانی

 

یہی  فر زندِ آدم ہے کہ  جس کے  اَشکِ خونیں سے

کیا ہے حضرتِ یزداں  نے دریاؤں کو طوفانی

 

فلک کو کیاخبر یہ خاکداں کس کا  نشمین ہے

غرض انجم سے  ہے کس کے شبستاں ک ی نگہبانی

 

اگر مقصودِ کل میں ہوں تو مجھ سے ماورا کیا ہے ؟

مرے ہنگامۂ ہائے نوبہ نو کی انتہا کیاہے ؟

 

فرہنگ

 

دانش و بینش	عقل ونظر- دانائی
نورانی	روشن
حجاب	پردہ
پنہانی	پو شیدہ
مستور	پوشیدہ
فرزند آدم	آدم کا  بیٹا
یزداں	خدا
نشمین	مقام- رہائش
شبستاں	رات کی آرام گاہ
ماورا	باہر
نوبہ نو	نئے نئے
ارزانی	بہتات
فطرت	قدرت
نمایاں	ظاہر
دعوتِ دیدار	دیکھنے کی دعوت
ذوقِ عریانی	ننگے ہونے کا ذوق یعنی کھل کر سامنے آنا
اشکِ خونیں	خون کے آنسو
خاکداں	زمین
انجم	ستارے
مقصودِ کل	کائنات کے وجود میں آنے کا مقصد
ہنگامہ ہائے	کارنامے
انتہا	آخر-خاتمہ