Jalva Husn By allama iqbal|جلوہ حُسن-علامہ اقبال

 

جلوہ حُسن-علامہ اقبال
Jalva Husn By Allama iqbal

 

جلوہ حُسن کہ ہے جس سے تمنّا بے تاب

 پالتا ہے جسے آغوشِ تخیل میں شباب

ابَدی بنتا ہے یہ عالم ِفانی جس سے

 ایک افسانہ رنگیں ہے جوانی جس سے

جو سِکھاتا ہے ہمیں سر بہ گریباں ہونا

منظرِعالم حاضر سے گُریزاں ہونا

ُدور ہو جاتی ہے اِدراک کی خامی جس سے

 عقل کرتی ہے تاثّر کی غلامی جس سے

آه! موجود بھی وہ حُسن کہیں ہے کہ نہیں

 خاَتِم دہر میں یا رب وہ نہیں ہے کہ نہیں