Kisaan By Ehsan Danish |کسان-احسان دانش

کسان-احسان دانشؔ

Kisaan By Ehsan Danish  

 

فضاویران ہے،گرمی کی شدّت ہےزمانےمیں

مگر معروف ہیں بیچارےدہقاں ہل چلانےمیں

 

دل مجروح میں اُمّیدکی تابانیوں والے

کڑکتی دھوٗپ میں تپتی ہوئی پیشانیوں والے

 

یہی دہقاں چلاتےہیں جوہل بنجرزمینوں میں

چراغِ آ رزوٗسےدِل ہیں روشن ان کےسینوں میں

 

یہ وہ انساں ہیں دامانِ مشقّت میں جوپلتےہیں

جہاں سوتاہےاوریہ آبیاری کونکلتےہیں

 

بر ستےبادلوں میں کھیتیاں جب لہلہاتی ہیں

توان کی آرزوئیں جھوٗمتی ہیں،مُسکراتی ہیں

 

یہاں آتی ہیں لےکرقِسمتیں کاسہ گدائی کا

جہاں محتاج ہےان کےپسینے کی کمائی کا

 

انھی کےبازوؤں سےہیں بہاریں گلستانوں کو

انھی کےدم سےہےتعلیم جاری نوجوانوں کی

 

انھی فاقےسےگھبرائےہوؤں میں پارسائی ہے

انھی ڈوبے ہوؤں کےدم سےزندہ ناخدائی ہے