Mullah Zadeh Zaigham Lolabi Kashmiri Ka Bayaz By Allama Iqbal|ملا زادہ ضیغم لولابی کشمیری کا بیاض-علامہ اقبال

مُلاّ زادہ ضیغم لولابی کشمیری کا بیاض-علامہ اقبال
Mullah Zadeh Zaigham Lolabi Kashmiri Ka Bayaz By Allama Iqbal  

 ۱

 پانی ترے چشموں کا تڑ پتا ہوا سیماب!

مُرغانِ سحر تیری فضاؤں میں ہیں بیتاب

 

اے وادیِ لولاب

 

گر صا حب ہنگامہ نہ ہو منبر و محراب

دیں بندۂ مومن کے لیے موت ہے یاخوب

 

اے وادیِ لولاب

 

ہیں ساز پہ موقوف نوا ہائے جگر سوز

ڈھیلے ہوں اگر تار تو بے کار ہے مضراب

 

اے وادیِ لولاب

 

مُلاّ کی نظر نورِ فراست سے ہے خالی

بے سوز ہے میخانۂ صوفی کی مئے ناب

 

اے وادیِ لولاب

 

بیدار ہوں  دل جس  کے فغانِ سحری سے

اس  قوم میں مدت سے وہ درویش ہے  نایاب

 

اے وادیِ لولاب؟

 

فر ہنگ

 

وادیِ نولاب	کشمیر کی ایک دلوی جو سر ینگر کے قریب ہے
سیماب	پارہ
بیتاب	بے چین
منبرو محراب	مراد مسلمان
موت ہے  یا خواب	مرجانا  ہے یا سو جانا ہے
نواہائے  جگر سوز	جگر میں  ایمان  پیداکرنے  والی  آوازیں
مضراب	بجانے کا آلہ
بے سوز	تپش کے  بغیر -ایمان  کی حرارت سے خالی
مئے  ناب	صاف  شراب
فغان سحری	یعنی  صبح کی نماز میں اللہ کے حضور گڑگڑا نا
درویش	سچے دل  سے اللہ کاذکر کرنے والا
بیاض	شعروں کی کاپی
مرغانِ سحر	صبح  کے پرندے
صاحب	یعنی  جہاد کرنے والے
بندۂ مومن	یعنی مومن
ساز	باجے
تار	باجے  کے تار جن کو چھیڑنے سے موسیقی پیدا ہوتی ہے
فراست	شعور کی روشنی
میخانۂ صوفی	مراد خانقاہ
بیدار	جاگ اٹھیں
درویش	بندۂ خدا
نایاب	نہیں  ملتا

 

۲

 

موت ہے  اک سخت تر' جس کا غلا می ہےنام

مکر و فنِ خواجگی  کاش سمجھتا غلام

 

شرعِ ملوکانہ  میں جدتِ احکام دیکھ

صور کا غوفا حلال' حشر کی لذت حرام

 

اے کہ غلامی سے ہے  رُوح تری مضمحل

سینۂ بے سوز میں دھو  نڈ خودی کا مقام

 

فر ہنگ

 

موت ہے اک سختِ تر	سخت قسم کی موت
مکر و  فن	چال بازی
شرعِ ملوکانہ	بادشاہوں  کے طور  طریقے
صور	یعنی صوراسر افیل جس کو سن کر قیامت  آ جائے گی اور مردے جی انھیں  گے
سینۂ بے سوز	جذبات (ایمان) سے خالی سینے
غلامی ہے نام	یعنی غلامی موت ہے
جدّت احکام	نئی بات کا حکم
مضمحل	بیمار
دھونڈخودی  کا مقام	خودی تلاش کر

 

۳

 

آج وہ کشمیر ہے محکوم و مجبور و فقیر

کل جسے اہلِ نظر  کہتے تھے ایرانِ  صغیر

 

سینۂ افلاک سے اٹھتی ہے آہِ سو ز ناک

مردِ حق  ہوت ہے   جب مرعوبِ سلطان و امیر

 

کہہ رہا ہے داستاں بیدردیِ اَیاّم کی

کوہ کے دامن میں وہ غم خانۂ دہقانِ پیر

 

آہ یہ قومِ نجیب و چرب دست و تر دماغ!

ہےکہاں روزِ  مکافات اے خدائے  دیر گیر؟

 

فرہنگ

 

محکوم	غلام
فقیر	یعنی بری حالت میں
سینۂ افلاک	آسمان کاسینہ
مرد حق	مردِ مومن
یبدردیِ ایام	دُنیا کا ظلم و ظلم
قومِ  نجیب	شریف قوم
تر دماغ	عمدہ دماغ والے
خدائے دیر گیر	دیر سے گرفت کرنے والا خدا
مجبور	جس پر  جبر کیا جائے
ایرانِ صغیر	چھوٹا ایران
آہِ سوز ناک	دردانگیز آواز
مرعوبِ سلطان و امیر	بادشاہوں کا غلام
خانۂ دہقان پیر	بوڑھے  کسان کا گھر
چرب دست	تیز ہاتھ والے
روزِمکافات	بدلہ  کا دن  یعنی روزِ قیامت

 

۴

 

گرم ہو جاتا ہے جب محکوم قوموں کا لہو

تھر تھر ا تاہے  جہانِ چار سو و رنگ  وبو

 

پاک ہو تا ہے ظن و تخمیں سے انساں کا ضمیر

کرتا ہے ہر راہ کو روشن چراغِ آرزو

 

وہ پرانے چاک 'جن  کو عقل سی سکتی نہیں

عشق سیتا ہے انہیں  بے سوزن  و تارِ فو!

 

ضربتِ پہیم سے ہو جاتا ہے آخر پاش پاش

حا کُمیّت کا بُتِ سنگیں دل وآئینۂ رُو

 

فرہنگ

 

محکوم	غلام
ظن و تخمیں	شک شبہ  -قیاس آرائیاں
چراغِ آرزو	خواہشوں کا دیا یعنی اعلیٰ مقاصد کی وجد وجہد
عشق سیتا ہے	یعنی  عشق سے ٹھیک ہوتے  ہیں
تاررِفو	بننے کادھا گا
پاش پاش	ٹکڑے ٹکڑے
بتِ سنگیں دل	پتھر  کا دل
چار سُو ورنگ  وبو	پوری کائنات
ضمیر	سینہ-دل
پرانے چاک	پرانے زخم
سوزن	سینے والی سوئی
ضربت پہیم	مسلسل ضرب لگا:
حاکیت	حکومت
آئینہ زو	بظاہر  چمکدار چہرہ

 

۵

 

درّاج کی پرواز میں ہے  شوکتِ شاہیں

حیرت میں ہے  صیاّد 'یہ شاہیں ہے کہ درّاج

 

ہر قوم  کے افکار میں پیدا ہے تلاطم

مشرق میں ہے  فردائے  قیامت کی نمود آج

 

فطرت کے تقاضوں سے ہُوا حشر پہ مجبور

وہ مُردہ کہ تھا بانگِ سرافیل کا محتاج!

 

فرہنگ

 

درّاج	تیتر
شوکتِ شاہین	شاہین کی شان
تلاطم	ہلچل
نمود	ظہور
حشر پہ مجبور	اٹھنے پر مجبور
پرواز	اڑان
صیّاد	شکاری
فردائے قیامت	آنے والی قیا مت
فطرت	قدرت
بانگِ سرافیل	اسرافیل فرشتے  کے صور پھونکنے کی آواز

 

۶

 

رندوں کو بھی معلوم ہیں صوفی  کے کمالات

ہر چند کہ مشہور نہیں ان کے  کرامات

 

خود گیری  و خودداری و گلبانگِ اَنا الحق!

آزاد ہو سالک تو ہیں یہ اس  کے مقامات

 

محکوم  ہو سالک تو یہی اس کا ہمہ اُدست

 خودمُردہ وخود مرقد وخود مرگِ مفاجات

 

فر ہنگ

 

رندوں کو	شرابیوں کو
کمالات	خوبیاں
خودگیری	خود پر نظر رکھنا- اپنی اصطلاح  کرنا
گلبانگ	صدا
سالک	مسافر یعنی صوفی
محکوم	غلام
خودمردہ	خود مرچکا ہے
خود مرگِ مفاجات	اپنی ناگہانی  موت اس نے خود قبول کی
صوفی	اہلِ تصوف
کرامات	غیر عقلی کارنامے
خودداری	خودپراعتماد کرنا
اناالحق	میں خداہوں – منصور حلاج  کا نعرہ
اس کے مقامات	یہ سب اُس کے در جے ہیں
ہمہ دست	سب کچھ  خدا ہے اور کسی چیز کا وجود نہیں
خود مر قد	خوداپنی قبر ہے

 

۷

 

نکل کر خانقاہوں سےاَدا کر رسمِ شبیری!

کہ فقرِ خانقاہی  ہے فقط  اندوہ ودل گیری!

 

ترے دین و ادب سے آرہی ہے  بوئے  رہبانی

یہی ہے  مرنے والی اُمتوں کا عالمِ پیری

 

شیاطینِ ملوکیت کی آنکھوں میں ہے وہ جادو

ک خود نخچیر کے دل میں ہو پیدا ذوقِ نخچیری

 

چہ بے پروا گزشتند از نوائے صبح گاہِ من

کہ  بردآں شور و مستی ازسیہ چشمانِ کشمیری؟

 

فر ہنگ

 

خانقاہ ہوں	سوفیوں کے ڈیرے
اندوہ ودلگیری	رنج اور دل کا غم زدہ
بوئے  رہبانی	دنیا  ترک کردینے  کی بو
شیاطین ملوکیت	بادشاہت کے شیطان
ذوقِ  نخچیری	شکار ہو  نے کا  شوق
اداکر  رسمِ  شبیریؓ	حضرت حسین ؓکی  طرح قربانی  دے
دین اور ادب	مذہب اور ادب
عالمِ پیری	بڑھاپے  کی حالت
نخچیر	شکار
چہ بے پروا گزشتند از نوائے صبح گاہِ من کہ  بردآں شور و مستی ازسیہ چشمانِ کشمیری؟	شاعر مُلا زادہ ضیغم لولابی(ایک فرضی نام)افسوس کامظاہرہ کرتے ہوئے  کہتا ہے کہ ان  سیاہ  آنکھوں والے  کشمیریوں سے وہ دینی   اور قومی جذبہ  کون لے گیا کہ وہ میری  صبح کی فریاد کونظر انداز کرگئے اور کوئی  پروانہ  کی۔

 

۸

 

سمجھا لہو کی بوند  اگر تو اسے خیر

دل آدمی کاہے  فقط اک جذبۂ بلند

 

گردش مَہ  و ستارہ کی ہے  ناگوارا سے

دل کا اپنے شام وسحر  کا ہے نقشبند!

 

جس خاک کے ضمیر  میں ہے آتشِ چنار

ممکن نہیں کہ سرد  ہو وہ  خاکِ ارجمند

 

فرہنگ

 

جذبۂ بلند	مراد بلند جوش وخروش والا دل
ناگوار	ناپسند یدہ
شام وسحر	دن اور رات
خاک کے ضمیر میں	یعنی جس کے خمیر میں
سردہو	ٹھنڈی ہوجائے
نقشند	یعنی اپنی تصویر دکھاتا ہے
آتش  چنار	چنار کادرخت  جوآگ کی طرح دہکتا ہے -یعنی پُر جوش جذبہ
خاکِ ارجمند	عزت والی سرزمین

 

۹

کھلا جب چمن میں کتب  خانۂ گل

نہ کام آیامُلّا کو علمِ کتابی!

 

متانت شکن تھی ہوائے  بہاراں

غزل خواں ہوا پیرکِ اندرابی

 

کہا لالۂ آتشیں پیرہن نے

کہ اسرارِ جا ں کی ہوں میں  بے حجابی

 

سمجھتا ہے جوموت خوابِ لحدکو

نہاں اس کی تعمیر میں ہے خرابی

 

نہیں زندگی سلسلہ روز وشب کا

نہیں زندگی  مستی و نیم خوابی!

 

حیات است درآتشِ خود طپیدان

خوش آں دم کہ ایں نکتہ راباز یابی!

 

اگر  آتشِ دل  شرارے  بگیری

تواں کر د زیرِ فلک  آفتابی

 

فرہنگ

 

کتب خانۂ گل	پھولوں کا کتب  خانہ
متانت تمکن	سنجیدگی توڑنے والی
پیرکِ اندرابی	اندراب (کشمیری قصبے) کابزرگ شخص
اسرارِ جہاں	دل کے بھید
نہاں	پو شیدہ
روز وشب	دن رات کاسلسلہ
آتشِ خود طپیدن	آگ جو اپنی تپش سے روشن  ہے
علمِ کتاب	کتابی علم(ظاہر داری)
بہاراں	بہارکاموسم
آتشیں پیرہن	یعنی سُرخ لباس والا
بے حجابی	بے پردگی  -مراد راز کھلتا ہے
تعمیر میں ہے خرابی	بناوٹ ٹھیک نہیں
مستی و نیم خوابی	عیش و عشرت
نکتہ رابازیابی	اس نکتہ  کوسمجھ لینا عمدہ خیال ہے

 

۱۰

 

آزاد  کی رگ سخت ہے'مانندِ رگِ سنگ

محکوم کی رگ  نرم ہے'مانندِ رگِ تاک

 

محکوم کادل مردہ و افسردہ و نومید

آزاد کا دل زندہ وپُر سوز و طرب ناک!

 

آزاد کی دولت دلِ روشن'نَفَسِ گرم

محکوم کا سرمایہ فقط  دیدۂ نمناک

 

محکوم  ہے بیگانۂ اخلاص و مرّوت

ہر چند کہ منطق کی دلیلوں میں ہے چالاک

 

ممکن نہیں محکوم ہو آزاد کاہمدوش

وہ بندۂ افلاک ہے' یہ خواجۂ افلاک

 

فرہنگ

 

رگ سنگ	پتھر کی رگ  یعنی پتھر کی سختی
محکوم	غلام
افسردہ	مرجھایا ہوا
پُرسوز	تپش والا
دلِ روشن	روشن دل
دیدۂ نمناک	روتی ہوئی آنکھ
مرّوت	مہربانی
چالاک	ہوشیار
بندۂ افلاک	آسمان کے ماتحت
مانند	کی  طرح
تاک	وہ درخت جس سے  شراب  کشید کرتے ہیں
نومید	مایوس
طرب ناک	خوش باش
نفس گرم	گرم جذبہ
اخلاص	خلوص
منطق	فلسفیانہ دلیلیں
ہمددش	برابری کرنے والا
خواجۂ ا  فلاک	آسمانوں کا آقا یعنی  دنیا بھر کا حکمران

 

۱۱

 

تمام عارف و عامی  خودی سے بیگانہ!

کوئی  بتائے یہ مسجد ہے یاکہ  میخانہ!

 

یہ راز ہم سے چھپایا ہے میرِ واعظ نے!

کہ خود حرم ہے'چراغ حرم  کا پروانہ

 

طلسمِ بے خبری  'کافری  ودیں  داری

حدیثِ شیخ  و برہمن  فسون و افسانہ

 

نصیب ِ خطّہ ہو یارب وہ بندۂ درویش

کہ جس کے فقر  میں انداز ہوں کلیمانہ!

 

چھپے رہیں گے زمانہ کی آنکھ سے کب  تک

گہرِ ہیں آب  دُلَر  کے تمام  یک دانہ

 

فرہنگ

 

عارف	جاننے والا-صاحب علم و عرفاں
عامی	عام لوگ
میخانہ	شراب  خانہ
چراغِ حرم	کعبے کا چراغ
بیگانہ	بے خبر
حرم	کعبہ
پروانہ	تپنگا
حدیثِ شیخ وبرہمن	مولوی اور پنڈت
نصیب خطہ	خطے کو مل جائے
کلیمانہ	حضرت   موسیؑ کی طرح
گہر	موتی
عامی	عام لوگ
میخانہ	شراب خانہ
چراغِ  حرم	کعبے کاچراغ
طلسم	جادو
فسون و افسانہ	جادو اور جھوٹی کہانی
بندۂ درویش	خداکا بندۂ
آبِ دُ لر	کشمیر  کی ایک جھیل کانام
یکدانہ	بے مثال

 

۱۲

 

دِگرگوں جہاں ان کے زورِ عمل سے

بڑے معر کے زندہ قو موں نے مارے

 

منجم کی تقویمِ فردا  ہے باطل

کہ دریا کی موجوں سے ٹوٹے ستارے

 

زمیں کو فراغت نہیں زلزلوں سے

نمایاں ہیں فطرت کے باریک اشارے

 

ہمالہ کے چشمے اُبلتے ہیں کب تک

خضر سوچتا ہے دُلر کی  کنارے

 

فرہنگ

 

دگرگوں	زیر وزبر-اُلٹ پَلٹ
زندہ قو میں	بہادر قو میں
فردا	آنے والا کل
ضمیر ِ جہاں	دنیا کاشعور –دُنیا  کی فطرت
موجوں	لہروں
زلزلوں سے	بھو نچال
فطرت	قدرت
ہمالہ کے چشمے	یعنی ہمالہ کے دامن میں آباد لوگ
زورِ عمل	عمل کی قوت
منجم	نجومی  -ستاروں کا علم جاننے والا
تقویمِ فردا	آنے والے وقت کا حساب لگانے  والی جنتری
فراغت	فرصت
نمایاں	ظاہر
باریک اشارے	خاص نشا نیاں جنھیں شعور وا لے ہی سمجھ سکتے ہیں
اہلتے ہیں کب تک	یعنی کب جاگتے ہیں

 

۱۳

 

نشاں یہی ہے زمانے  میں زندہ قوموں کا

کہ صبح و شام بدلتی ہیں ان کی تقدیر

 

کمالِ صدق و  مرّوت ہے زندگی ان کی

معاف کرتی ہےفطرت بھی ان کی تقصیریں!

 

قلندرانہ ادائیں‘  سکند رانہ جلال

یہ اُمتیں ہیں  جہاں میں بر ہنہ شمشیریں!

 

خودی سے مردِ خود آگاہ کاجمال  وجلال

کہ یہ کتاب ہے‘ باقی تمام  تفسیریں

 

شکوہِ عید کا منکر  نہیں  ہوں میں لیکن

قبولِ حق میں ہیں فقط مردِحُر کی تکبریں

 

حکیم میری نواؤں  کا راز کیا جانے

ورائے عقل ہیں اہلِ جنوں کی تدبیریں

 

فر ہنگ

 

زندہ قو میں	عمل کرنے والی قو میں
تقدیریں	قسمتیں
صدق	سچائی
تقصیریں	قصور ۔غلطیاں
سکندارنہ	شاہا نہ جادو وجلال
خود آگاہ	اپنے آپ کو پہچا ننے والا
شکوہِ عید	عید کی شان و شوکت
ورائے عقل	عق سے باہر
مرّوت	ہمدردی
قلندرانہ	فقیرانہ
برہنہ شمشیریں	ننگی تلواریں
تفسیریں	تفسیرکی جمع- یعنی تفصیل
مردِ حر	آزاد مرد- مجاہد
اہلِ جنوں	عشق والے

 

۱۴

 

چہ کافرانہ قمارِ حیاتٰ می بازی

کہ با زمانہ بسازی بخودنمی سازی

 

دِگر بہ مدرسہ  ہائے حر م نمی بینم

دلِ جنید و نگاہِ غزالی و رازی!

 

بحکمِ مفتیِ اعظم کہ  فطرتِ ازلیست

بدینِ صعوہ حرام  است  کارِ شہبازی

 

ہماں فقیہہِ ازل گفت جزہ شاہیں را

بآسماں  گروی بازمیں نہ پر دازی!

 

منم کہ تو بہ نہ کردم زفاش گوئی ہا!

زبیمِ ایں کہ بسلطاں کنند غمّازی!

 

بدستِ مَا نہ سمر قند و نَے بخارا ایست

دعا بِگو زفقیراں بہ تُرکِ شیرازی

 

فرہنگ

چہ کافرانہ قمارِ حیاتٰ می بازی	تو کیا کافروں کی طرح جو ااپنی زندگی کا کھیلتا ہے ۔
کہ با زمانہ بسازی بخودنمی سازی	کہ تو زمانے کا ساتھ دیتا ہے اور اپنے آپ سے نہیں ملتا۔
دِگر بہ مدرسہ  ہائے حر م نمی بینم	میں جب دینی مدرسوں کو دیکھتا ہوں تو مجھے مایوسی ہوتی ہے
دلِ جنید و نگاہِ غزالی و رازی!	کہ اب ان میں جنید جیسے دل اور غزالی ورازی جیسی بصیرت نہیں ملتی
بحکمِ مفتیِ اعظم کہ  فطرتِ ازلیست	مفتی اعظم کے حکم سے کہ پرانے یعنی ازل سے فطرت کے مطا بق
بدینِ صعوہ حرام  است  کارِ شہبازی	ممولے کے مذہب میں شہباز کے کام حرام ہیں کیوں نکہ وہ اس کے مقابل نہیں۔
ہماں فقیہہِ ازل گفت جزہ شاہیں را	اسی ازلی عالم فقہ نے شاہیں بچے سے کہا  کہ
بآسماں  گروی بازمیں نہ پر دازی!	بلند آسمانوں میں اڑنا او ر زمین کی پستی میں
منم کہ تو بہ نہ کردم زفاش گوئی ہا!	میں نے کھل کر بات کہنے سے توبہ نہیں کی کہ مجھے ڈر تھا
زبیمِ ایں کہ بسلطاں کنند غمّازی!	کہ لوگ بادشاہ وقت میری چغلی کھائیں گے
بدستِ مَا نہ سمر قند و نَے بخارا ایست	ہمارے ساتھ میں سمر  قند ہے اور  نہ بخارا  ہے
دعا بِگو زفقیراں بہ تُرکِ شیرازی	ہم فقیروں کی طرف سے تو شیرازی ترکوں کے لیے دعاہی کیجیے

 

۱۵

 

ضمیرِ مغرب ہے تاجرانہ ‘ ضمیرِ مشرق ہے راہبانہ

وہاں دِگرگوں ہے لخطہ لخطہ ‘ یہاں بدلتا نہیں زمانہ

 

کنارِ دریا خضر نے مجھ سے کہا با ندازِ محرمانہ

سکندرہی ہو‘ قلندری ہو‘ یہ  سب طریقے ہیں ساحرانہ

 

حریف اپنا سمجھ رہے ہیں‘ مجھے خدایان ِ خانقاہی

انھیں یہ  ڈرہے  کہ میرےنالوں سے شق نہ ہو  سنگِ  آستانہ

 

غلاموں قو موں  کے علم و عرفاں کی ہے یہی رمزِ آشکار

زمیں اگر تنگ ہے  تو کیا ہے ‘ فضا ئے گردوں ہے بے کرانہ

 

خبر نہیں  کیا ہے نام اس کا‘خدا فریبی کہ خودفریبی؟

عمل سےفارغ ہُوا مسلماں‘ بنا کے تقدیر کابہانہ

 

مری ایسری  پہ شاخ ِ گل نے یہ کہہ کے صیّاد کورُلایا

کہ ایسے پُر نغمہ خواں کا گراں نہ تھا مجھ پہ آشیانہ

 

فرہنگ

 

ضمیرِ مغرب	مغربی دنیا کا شعور
راہبانہ	ترکِ دنیا والا
لخطہ لخطہ	لمحہ لمحہ
ساحرانہ	جادو والا
سنگِ آستانہ	پیروں  کی گدی کا مقام
بے کرانہ	کنارے کےبغیر  -یعنی کھلی
خود فریبی	خود کو دھوکہ
تقدیر کابہانہ	خود کچھ نہ کرنا او ر کہنا کہ یہی قسمت تھی
تاجرانہ	سوداگری
دگرگوں	بدلنے والا
محرمانہ	اپنا سمجھ کر
حریف	مخالف
آشکارا	ظاہر
خدا فریبی	خدا کو دھوکہ
عمل سے فارغ	عمل  کرنا چھوڑ دیا
اسیری	قیدی
شاخِ گل	پھول کی شاخ
صیّاد	شکاری
پُر سوز ِ نغمہ خواں	دردِ دل سے گانے والا
آشیانہ	گھونسلہ

 

۱۶

 

حاجت نہیں اے خطۂ گل و شرح و بیاں کی

تصویر ہمارے  دلِ پُرخوں کی ہے لالہ!

 

تقدیر ہے اک نام مکافاتِ عمل کا

دیتے ہیں یہ  پیغام  خدایانِ ہمالہ!

 

سَرما کی ہواؤں میں ہے عریاں بدن اس کا

دیتا ہے ہُنر جس کا  امیروں کو دو شالہ

 

اُمیّد نہ رکھ دولتِ دنیا سے وفا کی 

رَم اس کی طبیعت میں  ہے مانندِ غزالہ

 

فر ہنگ

 

خطۂ گل	پھولوں کی زمیں  یعنی  باغ
دل پُرخوں	خوں سے بھر اہوا دل  یعنی زخمی  دل
مکافاتِ عمل	عمل کے نتائج
سرما	سردی
ہنر	فن
دوشالہ	موٹا لباس
رم	چلنا
شرح وبیاں	تفصیل سے بیان کر نا
لالہ	لالے کا پھول
ہمالہ	بلند وبالا پہاڑ کانام
عریاں	ننگا
جس کا	اہل کشمیر مراد ہیں
دولتِ دنیا	دنیا کا مال
مانندِ غزالہ	ہرن کی طرح

 

۱۷

 

خود آگاہی  نے سکھلادی ہے  جس کو تن فراموشی

حرام آئی  ہے اس  مردِ مجاہد  پر زِرہ پوشی

 

فرہنگ

 

خود آگاہی	اپنی  پہچان
حرام آئی	ممنوع ہو گئی
تن فراموشی	جسم کو بھول جانا  یعنی موت سے نہ ڈرنا
زرہ  پوشی	لوہے  کا جنگی  لبا س پہننا

 

۱۸

 

آں عزمِ بلند آور' آں سوزِ جگر آور

شمشیرِ پدر خواہی' بازوئے  پدر آوار

 

فرہنگ

 

عزمِ بلند	بلند ارادہ
شمشیرِ پد رخواہی	اگر تو باپ  کی تلوارچا ہتا ہے
سوز جگر آور	جگر کی گرم جوشی لا یعنی اگر تواپنےبڑوں (آباداجداد) کی طرح عزت پانا چاہتا ہے تو پھر  اُن جیسے  بلند ارادے  اور بلند جذبے بھی پیدا کر یعنی اُن جیسا  عمل بھی  کرکے  دکھا۔

 

۱۹

 

غریب  شہریوں میں ' سُن تو لے  مری فریاد

کہ تیرے سینے میں بھی ہوں قیامتیں آباد

 

مری نوائے غم آلودہے متاعِ عزیز

جہاں میں عام نہیں دولتِ دلِ ناشاد

 

گلہ ہے مجھ  کو زمانے کی کور  ذوق سے

سمجھتا ہے مری محنت کو محنتِ فرہاد

 

"صدائے تیشہ کہ بر سنگ  میخود رددِگراست

خبر بگیر کہ آوازِ تشیہ و جگر  است"

 

فرہنگ

 

قیامتیں	یعنی  میرے  دل جیسا جوش و خروش
متاعِ عزیز	پسندیدہ سامان
کورذوقی	ذوق سے عاری  ہونا
نوائے غم آلود	غم میں ڈوبی ہو ئی آواز
دل ناشاد	خوشیوں سے نا آشنا دل
محنتِ فرہاد	فرہاد کی محنت  جوصرف شیریں کے عشق  کے لیے تھی
"صدائے تیشہ کہ بر سنگ  میخود رددِگراست خبر بگیر کہ آوازِ تشیہ و جگر  است"	تپشے  کی آواز  جو پتھر پر لگ کر آتی ہے وہ اور  چیز ہے ۔معلوم  کر و کہ یہ آواز تپشے  کی ہے  یاس اس (فرہاد)  کے جگر کی آواز  ہے۔