Shuaa-E-Ummiid By Allama Iqbal|شعاع امید-علا مہ اقبال

 

شعاعِ اُمِیّد-علا مہ اقبال
Shuaa-E-Ummiid By Allama Iqbal

 

)۱)

سُورج  نے دیا  اپنی شعاعوں  کو یہ  پیغام

دُنیا ہے  عجب  چیز  ،کبھی  صبح کبھی  شام

 

مُدّت  سے تم  آوارہ  ہو  پہنائے  فضا میں

بڑھتی  ہی چلی  جاتی ہے بے  مہریِ ایّام

 

نے ریت کے ذرّوں پہ  چمکنے  میں ہے را حت

نے مثلِ صبا  طَوفِ گُل و لالہ  میں آرام

 

پھر میرے  تجلّی  کدۂ دل میں  سما جاؤ

چھو ڑو چَمَنِستاں و بیابان و در و بام

 

(۲)

آ فاق کے ہر گو شے سے اُٹھتی  ہیں شعا عیں

بچھڑے  ہُوئے خورشید سےہوتی  ہیں ہم آغوش

 

اک شور ہے ، مغرب  میں اُجالا نہیں  ممکن

اَفرنگ  مشینوں کے دُھویں سے ہے  سپہَ پوش

 

مشرق نہیں  گو  لذّتِ نظاّرہ  سے محروم

لیکن صِفَت عا لَمِ لاہُوت  ہے خاموش

 

پھر ہم کو اُسی سینۂ روشن  میں چُھپا لے

اے مہِر جہاں  تاب ! نہ کر ہم  کو فراموش

 

(۳)

اک شوخ کِرَن ، شوخ مثالِ نِگہَ حُور

آرام سے فارغ ،صَفتِ جوہرِ سیماب

 

بولی کہ مجھے  رُخصتِ تنویر  عطاہو

جب تک نہ ہو مشرق کا ہر اک  ذرّہ  جہاں تاب

 

چھو ڑوں  گی  نہ مَیں  ہند کی  تاریک  فضا کو

جب تک  نہ اُٹھیں  خواب  سے مردانِ گراں خواب

 

خا ور کی اُمید  کا یہی  خاک ہے مرکز

اقبالؔ کے اشکوں سے یہی  خاک ہے سیراب

 

چشم مہ و پر ویں  ہے اسی  خاک  سے روشن

یہ خاک کہ ہے  جس کا  خزِف  ریزہ  دُرِ ناب

 

اس خاک  سے اُٹھتے  ہیں  وہ غوّاصِ معانی

جن کے لیے ہر  بحرِ  پُر آشوب  ہے  پا یاب

 

جس ساز کے نغموں  سے حرارت تھی دِلوں  میں

محفل  کا وہی  ساز ہے بیگانۂ مِضراب

 

بُت خانے کے دروازے پہ سوتا ہے  بَرہمن

تقدیر کو روتا ہے  مسلماں تہِ محراب

 

مشرق سے ہو  بیزار ، نہ  مغرب  سے خدَر کر

فطرت کا اشارہ  ہے کہ  ہر شب کو سحَر کر!