Sultaani By Allama Iqbal|سلطانی-علامہ اقبال

 

سُلطانی-علامہ اقبال
Sultaani By Allama Iqbal

 

کسے خبر  کہ ہزارو ں  مقام  رکھتا ہے

وہ فقر  جس میں  ہے بے پردہ روحِ قُرآنی

 

خودی کو جب  نظر آتی ہے قاہری  اپنی

یہی مقام  ہے کہتے  ہیں  جس کو  سُلطا نی

 

یہی  مقام  ہے مومن  کی قُوّتوں کا  عِیار

اسی مقام  سے ہر آدم ہے  ظِلِ سُبحانی

 

یہ  جبر  و قہرنہیں  ہے، یہ عشق  و مستی  ہے

کہ جبر  و قہر  سے ممکن  نہیں جہاں  بانی

 

کِیا  گیا  ہے غلامی میں مبتلا  تجھ کو

کہ  تجھ سے ہو  نہ سکی  فقر کی نگہبانی

 

مثالِ ماہ  چمکتا تھا جس    کا داغِ سجود

خرید لی ہے  فرنگی  نے وہ  مسلمانی

 

ہوا حر یفِ مہ  و آفتاب تُو جس سے

رہی  نہ تیرے  ستاروں  میں وہ   دُرَحشانی