Surood By Allama Iqbal|سرود -علامہ اقبال

 

سُرود -علامہ اقبال
Surood By Allama Iqbal

 

آیا کہا ں سے  نالۂ نَے  میں  سُرورِ مے

اصل  اس کی  نَے نواز کادل  ہے  کہ چوبِ نَے!

 

دل کیا ہے،اس کی  مستی  وقُوّت  کہاں سے  ہے 

کیوں اس کی  اِک نگاہ اُلٹتی  ہے تختِ کے

 

کیوں اس کی زندگی  سے ہے  اقوام میں حیات

کیوں اس کے وارِدات بدلتے  ہیں پے بہ پے

 

کیا  بات ہے کہ صا حبِ دل کی  نگاہ  میں

جچتی نہیں ہے سلطنتِ روم و شام و رَے

 

جس روز دل کی  رمز مُغَنّی سمجھ گیا

سمجھو  تمام مرحلہ  ہائے  ہُنر ہیں طے