زمین-علامہ اقبال
Zameen By Allama Iqbal
آہ یہ مرگِ دوام !آہ
یہ زرمِ حیات!
ختم بھی ہو گی کبھی
کشمکشِ کائنات
عقل کو ملتی نہیں
اپنے بُتوں سے نجات
عارف و عامی تمام
بندۂ لات و منات
خوار ہوا کس قدر'آدمِ یزداں صفات
قلب و نظر پر گراں
ایسے جہاں کا ثبات
کیوں نہیں ہوتی سحر
حضرتِ انساں کی رات ؟
فرہنگ
|
دوام |
ہمیشہ |
|
کشمکش کائنات |
کائنات کی کھینچا تانی |
|
عامی تمام |
عام لوگ |
|
خوار |
ذلیل |
|
گراں |
بھاری |
|
سحر |
صبح |
|
زرمِ حیات |
زندگی کی جنگ وجدل |
|
عارف |
جاننے والا |
|
لات ومنات |
بتوں کے نام |
|
یزداں صفات |
خدائی صفات والا |
|
جہاں کا ثبات |
دنیا کا قائم رہنا |
|
حضرتِ انساں |
مراد نسل انسانی |
0 Comments