Zindagi insan ki ek dam ke siwa kuch bhi nahi|زندگی انساں کی اک دَم کے سوا کچھ بھی نہی

 

زندگی انساں کی اک دَم کے سوا کچھ بھی نہیں

Zindagi insan ki ek dam ke siwa kuch bhi nahi

غزل –علامہ اقبال

Ghazal By Allama Iqbal

زندگی انساں کی اک دَم کے سوا کچھ بھی نہیں

دم ہُوا کی موج ہے، رَم کے سوا کچھ بھی نہیں

 

گُل تبسم کہہ رہا تھا زندگانی کو مگر

شمع بولی ،گِریہ  غم کے سوا کچھ بھی نہیں

 

رازِ ہستی راز ہے جب تک کوئی  محرم نہ ہو

کھل گیا جس دَم تو محرم کے سوا کچھ بھی نہیں

 

زائرانِ کعبہ سے اقبالؔ یہ پوچھے کوئی

کیا حرم کا تحفہ زمزم کے سوا کچھ بھی نہیں