Bura Khwab Bayan Karne Ki Mamaniat| بُرا خواب بیان کرنے کی ممانعت

 بُرا خواب  بیان کرنے کی ممانعت

Bura Khwab Bayan Karne Ki Mamaniat

مقدمہ تعبیر الرویا

Muqaddama Tabeerur-Ruya

جب کو ئی  شخص مکروہ نا پسند یدہ  خواب دیکھے تو چا ہیئے  کہ حق  تعالےٰ سے اُس  خواب  کے شرّ سے اور ابلیسی  فتنہ   سے پناہ مانگے اور ایسا خواب کسی سے بیان نہ کرے  اس صُورت میں اس  پر کوئی  بُر ااثر مترتّب نہ ہوگا۔ حضور حبیب کر دگار صلّی اللہ علیہ وسلّم کا ارشادِ گرامی ہے ۔

            اَلرُّؤَیَا عَلیٰ رِجۡلِ طاَ ئِرٍ مَّا لَمۡ یُحَدِّثۡ بِھَا فَاِذَ احَدَّثَ بِھَا وَقَعَتۡ(رواہ الترمنی عن ابی رزین العقیلی واخرجہٗ ابو داؤد فی معناہ۔)

          "جب تک  خواب  بیان نہ کیا جاتے اُس وقت  تک پر ندہ  کے پاؤں  پر مُعلّق رہتا ہے (اُسے قیام وثبات نہیں ہوتا )اور جب بیان کر دیا جائے تو اسی  طرح واقع ہو گیا ۔"

            بُرا خواب  بیان کرنے  کی اس لیئے  ممانعت کی گئی ہے کہ مباد اکوئی  مُعبّر  بہ حسبِ ظا ہر  کوئی بُری تعبیر دے  دے اور  عام طور پر مشاہدہ  میں آیا ہے۔کہ جیسی کوئی  تعبیر دیتا ہے  ۔ تبقد یر الٰہی ویسا ہی  وقوع  پذیر ہو تا ہے  ۔ہر  چند کہ تمام واقعات و حوادث قضا  و قدر سے وابستہ  ہیں۔ تاہم کتمانِ خواب سقوطِ تاثیر میں اس  لیئے  متأ ثر ہے۔ کہ دُعا اورصدقہ کی طرح اس قسم کے  اسباب  بھی قضا  و قدرہی سے متعلّق ہیں۔