Muskrate Chalo By Ameen e Hazeen|مسکراتے چلو-امین حزیںؔ

 

مسکراتے چلو-امین حزیںؔ
Muskrate Chalo By Ameen e Hazeen

 

دیئے نفرتوں کے بجھا تے  چلو

چراغ محبت جلاتے چلو

 

اٹھو نیند سے خود بھی بیدار ہو

جو سوئے ہیں ان کو جگاتے چلو

 

سنو غور سے  دوسروں کا کلام

اور اپنی بھی  بپتا سناتے چلو

 

رضائے الٰہی پہ راضی رھو

قناعت کی دولت کماتے چلو

 

نہ روکیں تمہیں راہ کے پیچ وخم

قدم اس طرح سے بڑھاتے چلو

 

ہو یکساں تمہارا ہر اک قول وفعل

جو کہتے  ہو کرکے دکھاتے چلو

 

یہاں غم کی منزل ہے ہر گام پر

خوشی سے مگر مسکراتے چلو