Khwab ke Haal waqt quism aur surat se maarefat karni|خوابوں کے حال وقت قسم اور صورت سے معرفت کرنی

 

گیارھویں فصل
خوابوں کے حال، وقت ، قسم اور صُورت سے معرفت کرنی
Khwab ke Haal, waqt, quism aur surat se maarefat karni

 حضرت ابن سیرین رحمتہ اللہ علیہ نے فرمایا ہے کہ خواب وقت کے لحاظ سے بدلتا ہے۔ اگر کوئی شخص خواب میں میں رات کو دیکھے کہ پُل یا رستے پر بیٹھا ہے۔ اُس کو اُس کے کام میں تھوڑا نفع ہو گا اور اگر یہی خواب دن کو دیکھے تووہ اپنی عورت کو طلاق دے گا۔

 اگر رات کو خواب میں دیکھا ہے کہ مُرغ نے کُتّے کو پکڑا ہے تو اس بات کی دلیل ہے کہ اُس کو کسی نادان سے واسطہ پڑے گا اور اگر یہی خواب دن کو دیکھے گا تو بیمار ہو گا۔

حضرت جعفر صادق رضی اللہ تعالے ٰعنہ نے فرمایا ہے کہ خواب اصل سے دین صنعت و حرفت اور کسب کےلحاظ سے نہیں پھرتا ہے۔ ایک ہی خواب کی مختلف تاویل عذاب ہے۔ حق تعالیٰ کا فرمان ہے : غُلَّتۡ اَیۡدِیۡھُمۡ وَلُعِنُوۡا بِمَاقَالُوۡا۔(اُن  کے ہاتھ جکڑے گئے اور اُن کی باتوں کی وجہ سے لعنت پڑی) جب یہ خواب نیک آدمی دیکھتا ہے تو دلیل ہے کہ گنُا ہوں اور بُرے کاموں سے دستبردار ہو گا۔

 محمد بن عبدالعزیز صحیح سند کے ساتھ عبدالرحمٰن اسلمی سے روایت کرتے ہیں کہ رسول ِخدا صلی اللہ علیہ وسلّم نے حضرت صدیق رضی اللہ تعالےٰ عنہ اور حضرت سلمان فارسی رضی اللہ تعالےٰعنہ میں بھائی چارہ کر دیا اور سلمان رضی اللہ عنہ نے ایک خواب دیکھا اور حضرت صدیق رضی اللہ عنہ سے بیان کیا اور اس خواب کا سبب اُن سے دُور ہُوا۔ صدیق رضی اللہ عنہ نے فرمایا کہ قیامت تک تمہارے سر سے ہاتھ کو تاہ ہُوا۔ سلمان رضی اللہ تعالےٰ عنہ نے اس خواب کی آنحضرتؐ کو خبر دی ۔ آپ نے بھی وہی تاویل بیان کی جو حضرت صدیق رضی اللہ عنہ نے بیان کی تھی ۔

کتا ب کا نام

تعبیرالرؤیاء

مصنف

علا مہ ابن سیرین

اُردو ترجمہ

ابو القاسم دلاوری

 ناشر

فرید بُکڈپو (پرائیویٹ ) لمٹیڈ