Meri Pyari Chidyon by Josh Malihabadi|مری پیاچڑیو-جوش ملیح آبادی

 

مری پیاچڑیو-جوش ملیح آبادی

Meri Pyari Chidyon by Josh Malihabadi

 

مہکتے ہوئے پھول کے پاس آؤ

لچکتی ہوئی شاخ پر بیٹھ جاؤ

ہوا میں کبھی اُڑ کے بازو ہلاؤ

کبھی صاف چشمے میں غوطے لگاؤ

 

یوں ہی پیاری چڑیو !ابھی اور گاؤ

 

پُھدک کر اِدھر سے اُدھر دوڑ جاؤ

چہک کر اُدھر سے اِدھر پَر ہلاؤ

چمک کر کبھی شاخ پر چہچہاؤ

اُچھل کر کبھی نہر پر گنگناؤ

 

یوں ہی پیاری چڑیو !ابھی اور گاؤ

 

کبھی برگِ تازہ کو  منہ میں دباؤ

کبھی کُنج میں بیٹھ کر پھڑ پھڑاؤ

کبھی گھاس پر لُوٹ کر دل لُبھاؤ

کبھی جا کے بیلوں کو جھوٗلا بناؤ

 

یوں ہی پیاری چڑیو !ابھی اور گاؤ

 

میں بے تان ہوں ،مجھ کو جلوہ دِکھاؤ

میں گمراہ ہو ں،مجھ کو رستہ بتاؤ

نہ جھِجکو، نہ سِمٹو ،نہ کچھ خوف کھاؤ

مرے پاس آؤ، مرے پاس آؤ

 

یوں ہی پیاری چڑیو! ابھی اور گاؤ